तीज

ई लेख हिंदू कैलेंडर के तिथी के बारे मे बा, एह तिथी के मनावल जाये वाला तिहुआरन खातिर, तीज (तिहुआर) देखल जाय। सभसे प्रमुख तिहुआर खातिर, हरतालिका तीज देखल जाय।

तीज भा तीजि हिंदू कैलेंडर के तिसरही तिथी हवे जे हर महीना के अन्हार आ अँजोर दुनों पाख में पड़े ले। तिथी के सुरुआत अँजोर पाख में चंद्रमा आ सुरुज के बीच 36° से होला आ 48° पर खत्म होला; अन्हार पाख में ई 180+36° से 180+48° ले होला।

तीज तिथी के कई हिंदू तिहुआर मनावल जालें जिनाहन में हरतालिका तीज सभसे बेसी महत्त्व वाला ह - तिहुआर के संदर्भ में बात करत घरी "तीज" शब्द से एही हरतालिका तीज के अरथ लिहल जाला। एकरे अलावा हरियाली तीज आ कजरी तीज - दू गो अउरी तीज हईं। अखर तिजिया (अक्षय तृतीया), काजल तीज आ केवड़ा तीज अउरी अइसन तिहुआर हवें जे तीज तिथी के मनावल जालें।