लाल किला

विकिपीडिया से
सीधे इहाँ जाईं: नेविगेशन, खोजीं
लाल क़िला
لال قلعہ
Red Fort in Delhi 03-2016 img3.jpg
लाहौरी गेट के दृश्य
लोकेशन दिल्ली, भारत
निर्देशांक 28°39′22″N 77°14′28″E / 28.656°N 77.241°E / 28.656; 77.241निर्देशांक: 28°39′22″N 77°14′28″E / 28.656°N 77.241°E / 28.656; 77.241
निर्माण भइल 1648
आर्किटेक्ट उस्ताद अहमद लाहौरी
आर्किटेक्चर शैली भारतीय आर्किटेक्चर
ऑफिशियल नाँव: लाल किला परिसर
प्रकार सांस्कृतिक
पैमाना ii, iii, vi
शामिल 2007 (31 वाँ सेशन)
रिफरेंस नंबर 231
स्टेट पार्टी भारत
क्षेत्र एशिया-प्रशांत
लाल किला is located in Delhi
लाल किला
दिल्ली में लोकेशन

लाल किला भारत के राजधानी दिल्ली शहर में मौजूद एगो इतिहासी किला बाटे। ई किला मुगल शासक लोग के मुख्य निवासस्थान रहल, लगभग 200 साल ले जब ले कि 1857 में अंतिम मुगल बादशाह के अंगरेज लोग देस निकाला ना दे दिहल। ई दिल्ली के बीचोबीच के इलाका में बा आ इहाँ कई गो म्यूजियम स्थापित कइल गइल बाने। मुगल शासन काल में ई खाली मुगल बादशाह लोग के निवास करे के जगह भर ना रहल बलुक राजकाज से अउरी मुगल राजा लोग के पारिवारिक कारपरोज से जुड़ल आयोजन आ राजनीतिक घटना सभ के केंद्र भी रहल, आसपास के इलाका पर एह जगह के बहुत परभाव भी रहल।[1]

पाँचवाँ मुग़ल बादशाह शाह जहाँ द्वारा ई किला 1639 में बनवावल गइल जब किलेबंदी (देवाल आ गेट) के भीतर ऊ आपन राजधानी शाहजहानाबाद बसवलें।[2] लाल रंग के बलुआ पाथर से बनल होखे के कारन एकर नाँव लाल किला रखाइल। ई किला 1546 में इस्लाम शाह सूरी के बनवावल सलीमगढ़ किला के ठीक बगल में बाटे। शाही आवास के भवन सभ एक कतार में बनल बाने आ ई एगो नहर के किनारे बनावल गइल बाने। एह नहर के नहर-ए-बहिश्त यानी "स्वर्ग के नहर" नाँव दिहल गइल रहे। किला के बनावट आ आर्किटेक्चर के परभाव एकरे बाद बने वाला कई ठो किला आ भवन सभ पर पड़ल।[1]

1747 में जब नादिरशाह के हमला भइल, किला के नक्काशी आ सजावट में लागल कीमती पाथर सभ के ब्यापक लूटपाट भइल। 1857 के बिद्रोह के बाद किला के अंदर संगमरमर के बनल ज्यादातर चीज सभ ब्रिटिश राज में बरबाद हो गइल।[3] ब्रिटिश लोग एह किला के बाहरी मजबूत देवाल सभ भर बचावे के कोसिस कइल आ बाद में एह किला के तोपखाना (गैरिसन) के रूप में इस्तेमाल भइल।[3] एही किला में ब्रिटिश लोग अंतिम मुगल बादशाह बहादुरशाह 'ज़फ़र' के सुनवाई भी कइल जेकरे बाद उनके देशनिकाला दे के 1858 में रंगून भेज दिहल गइल।[4]

वर्तमान में, हर साल भारत के आजादी के राष्ट्रीय परब स्वतंत्रता दिवस (15 अगस्त) पर भारत के परधानमंत्री किला के मुख्य दरवाजा पर तिरंगा फहरावे लें आ किला के प्राचीर से राष्ट्र के संबोधित करे लें।[5]

2007 में लाल किला परिसर के यूनेस्को द्वारा बिस्व धरोहर स्थल के रूप में मान्यता दिहल गइल।[1][6]

नाँव[संपादन]

किला के वर्तमान चलनसार नाँव, हिंदुस्तानी भाषा में लाल क़िला हवे। अंगरेजी में एकरा के रेड फ़ोर्ट कहल जाला ले "लाल किला" के अनुवाद हवे। मूल रूप से, मुगल बादशाह लोग के आवास रहल एह किला के "क़िला-ए-मुबारक़" नाँव रहल।[7][8] एकरे अलावा, आगरा के किला के भी "लाल किला" कहल जाला।

प्रमुख भवन आ संरचना[संपादन]

किला के सभसे प्रमुख चीज जे ठीक से बचल बा ओह में किला के देवाल आ प्राचीर, मेन गेट, कुछ हाल आ नदी के पूरबी किनारा पर बनल आवासी भवन बाने।[9] किला के अंग के रूप में, आ किला के भीतर मौजूद भवन आ बिल्डिंग सभ में से कुछ प्रमुख के बिबरन नीचे दिहल जा रहल बाटे:

लाहौरी गेट[संपादन]

लाल बलुआ पाथर के बनल किला के गेट
दिल्ली गेट, बनावट में ई लाहौरी गेट से बहुत समानता वाला बा

लाहौरी गेट, लाल किला के मुख्य दरवाजा हवे, नाँव एह कारन रखल गइल बा कि ई लाहौर के ओर मुँह कइले बाटे। औरंगजेब के समय में एह दरवाजा के सामने वाला हिस्सा में सुरक्षा खातिर एगो अउरी देवाल बना दिहल गइल। एह नया निर्माण खातिर शाहजहाँ के कहनाम रहल कि "सुघर दुलहिन के मुँह पर पर्दा डाल दिहल गइल"।[10][11][12] भारत के आजादी (1947) के बाद से एही गेट पर 15 अगस्त के तिरंगा झंडा फहरावल जाला आ भारत के परधानमंत्री इहाँ से देस के संबोधित करे लें।

दिल्ली गेट[संपादन]

दिल्ली दरवाजा, किला के दुसरा प्रमुख दरवाजा हवे। ई दक्खिन मुँह के बा आ अपना बनावट में बहुत कुछ लाहौरी गेट के नियन बाटे। एह दरवाजा के दूनो ओर एकहक ठो बड़हन आकार के हाथी बनल बाने। 1903 में लार्ड कर्जन इनहन के मरम्मत करववले रहलें जबकि इनहन के औरंगजेब के समय में गिरवा दिहल गइल रहल।[13]

छत्ता चौक[संपादन]

छत्ता चौक मूल रूप से बजार के रूप में बनावल गइल रहेल ई लाहौरी गेट के बगल में बा आ एकरा सोझा खुला मैदान नियर बाटे। मुगल दौर में इहाँ शाही भवन में निवास करे वाला लोग के खातिर रेशम, गहना-गुरिया आ अउरी कई तरह के सामान सभ के बजार लागे। बजार के आगे मैदान आ ओकरे बाद उत्तर-दक्खिन के एगो सड़क बा। ई सड़क किला के दू हिस्सा में बाँटे ले, पच्छिमी हिस्सा मलेटरी सरंजाम खातिर इस्तेमाल होखे आ पूरबी हिस्सा आवास के रूप में रहल। एही सड़क के दक्खिनी छोर पर दिल्ली गेट बाटे।

नौबत खाना[संपादन]

महल के एगो हिस्सा के फोटो, 1857 के बिद्रोह के बाद
नौबत खाना आ एकर अँगनाईं, 1858 के फोटो, ब्रिटिश लोग द्वारा एकरे ढाहले से पहिले

छत्ता चौक के किलेबंदी वाली देवाल भीतर के हिस्सा में जहाँ खतम होला ओकरे आगे ई भवन बा। नौबतखाना भा नक्कारखाना के नाँव से जानल जाला।[14] 1857 के बिद्रोह के बाद एकरे बगल वाली बाँह आ साम्हने के तालाब के ढाह दिहल गइल रहे।

दीवाने-आम[संपादन]

दीवाने आम, पब्लिक सुनवाई के हाल

नक्कार खाना से हो के एह अंदरूनी हिस्सा में जाइल जाला जहाँ आम जनता के सुनवाई खातिर दरबार रहल। ई 540 फीट (160 मी) चाकर आ 420 फीट (130 मी) गहिराई वाला हिस्सा बाटे, चारों ओर गैलरी बा जेह में पहरेदारी होखे।[14] एकरे सभसे अंदरूनी हिस्सा में पब्लिक के सुनवाई होखे। हाल के खम्हा आ , and the hall was originally decorated with white chunam stucco.[14] एकरे पछिला हिस्सा में झरोखा बा जहाँ से बादशाह जनता के दर्शन दें।

दीवाने-आम के इस्तेमाल राजकाज के काम खातिर भी होखे।[15] एकरे आगे के अँगनाई के बाद मरदाना हिस्सा बाटे आ एकरे बाद आवास वाला हिस्सा शुरू होला।

इहो देखल जाय[संपादन]

संदर्भ[संपादन]

  1. 1.0 1.1 1.2 "Red Fort Complex"; World Heritage List; यूनेस्को बिस्व धरोहर केंद्र; पहुँचतिथी 15 नवंबर 2009. 
  2. N. L. Batra (2008); Delhi's Red Fort by the Yamuna; Niyogi Books; पहुँचतिथी 5 अगस्त 2012. 
  3. 3.0 3.1 विलियम डेलरिंपल; "Introduction"; दि लास्ट मुग़ल; पेंगुइन; p. 7; ISBN 978-0-14-310243-4. 
  4. Gill, M. S. (2007); Trials that Changed History: From Socrates to Saddam Hussein; Sarup & Sons; p. 297; ISBN 9788176257978. 
  5. "Singh becomes third PM to hoist flag at Red Fort for 9th time"; बिजनेस स्टैंडर्ड; 15 अगस्त 2012; पहुँचतिथी 17 अगस्त 2012. 
  6. "Red Fort was designated a UNESCO World Heritage Site in 2007"; Lonely Planet; ओरिजिनल से 29 अप्रैल 2012 के पुरालेखित; पहुँचतिथी 4 August 2012. 
  7. William M. Spellman (1 April 2004); Monarchies 1000–2000; Reaktion Books; ISBN 978-1-86189-087-0; पहुँचतिथी 5 August 2012. 
  8. Mehrdad Kia; Elizabeth H. Oakes (1 November 2002); Social Science Resources in the Electronic Age; Greenwood Publishing Group; ISBN 978-1-57356-474-8; पहुँचतिथी 5 August 2012. 
  9. "World Heritage Site – Red Fort, Delhi"; भारतीय पुरातत्व सर्वेक्षण बिभाग; पहुँचतिथी 15 अगस्त 2012. 
  10. Fanshawe.H.C (1998); Delhi, Past and Present; general introduction (Asian Educational Services); pp. 1–8; ISBN 978-81-206-1318-8; पहुँचतिथी 10 June 2009. 
  11. Sharma p.143
  12. Mahtab Jahan (2004); "Dilli's gates and windows"; MG The Milli Gazette Indian Muslims leading new paper; पहुँचतिथी 17 May 2009. 
  13. "World heritage site"; Asi.nic.in. 
  14. 14.0 14.1 14.2 "A handbook for travellers in India, Burma, and Ceylon"; Archive.org; पहुँचतिथी 2014-01-03. 
  15. उद्धरण खराबी:Invalid <ref> tag; no text was provided for refs named Langmead178

बाहरी कड़ी[संपादन]