बुद्ध जयंती पार्क

बुद्ध जयंती स्मारक पार्क या बुद्धा गार्डन भारत के राजधानी दिल्ली में एक ठो पार्क बाटे। ई पार्क दिल्ली रिज के दक्खिनी हिस्सा में, धौला कुआँ के नजदीक के इलाका में मौजूद बाटे। गौतम बुद्ध के बुद्धत्व प्राप्त कइला के 2500 वाँ बरसी के मनावे खातिर एह पार्क के निर्माण भइल। ई पार्क सभका खातिर खुला बा आ इहाँ घूमे के कौनों चार्ज नइखे। एह पार्क में एगो आर्टिफिशियल तालाब में बनल दीप पर गौतम बुद्ध के एगो सोना मढ़ल मूर्ती बाटे जवन आठ फीट ऊँच बाटे।
इतिहास[संपादन करीं]
गौतम बुद्ध के 2500 वाँ परिनिर्वाण के मनावे खातिर एह पार्क के नाँव 1965 में बुद्ध जयंती पार्क रखल गइल रहे[1] आ तत्काल में प्रधानमंत्री लाल बहादुर शास्त्री एह समारोह में हिस्सा लिहलें।[1] शास्त्री इहाँ श्री लंका से ले आइल गइल बोधि वृक्ष के कलम रोपलें।
इहाँ मूर्ती अस्थापित करे के बिचार दलाई लामा द्वारा 1983 में रखल गइल आ तत्काल में प्रधानमंत्री राजीव गाँधी के सहमति मिले के बाद तिब्बत हाउस में एह प्रोजेक्ट पर काम शुरू भइल। 2 अक्टूबर 1993 के एगो भब्य समारोह में इहाँ एह मूर्ती के अस्थापना कइल गइल।[1]
मूर्ती[संपादन करीं]
बुद्ध के मूर्ति आठ फीट ऊँच बाटे। ई तामा के बनल मूर्ति सोना से मढ़ल बा। बुद्ध के ई मूर्ती भूमिस्पर्श मुद्रा में गौतम बुद्ध के देखावे ले।
संदर्भ[संपादन करीं]
- ↑ 1.0 1.1 1.2 "Installation of Buddha Statue at Buddha Jayanti Park". http://tibethouse.in/ (अंग्रेजी में). Retrieved 14 जनवरी 2016.
{{cite web}}
: External link in
(help)|website=
![]() | ई पर्यटन-संबंधी लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |