बिस्व धरोहर स्थल

भोजपुरी विकिपीडिया से
इहाँ जाईं: नेविगेशन, खोजीं

बिस्व धरोहर स्थल (अंग्रेजी: World Heritage Site) कौनो अस्थान (जइसे की कौनों बिल्डिंग/भवन, शहर, कॉम्प्लेक्स, रेगिस्तान, जंगल, दीप, झील, स्मारक, भा पहाड़) होखे ला जेवन की यूनेस्को (UNESCO) की द्वारा सांस्कृतिक, प्राकृतिक या अइसने कौनों महत्व की कारन बिस्व धरोहर की लिस्ट में शामिल कइल जाला।[१] ई लिस्ट अंतरराष्ट्रीय बिस्व धरोहर प्रोग्राम की तहत, जौना के यूनेस्को के बिस्व धरोहर कमेटी चलावे ले आ जवन जनरल असेम्बली में चुनल २१ गो मेंबर देस सभ द्वारा बनावल जाले।[२]

जुलाई २०१५ ले, एह लिस्ट में १०३१ स्थल: ८०२ सांस्कृतिक, १९७ प्राकृतिक, आ ३२ गो मेरवन स्थल बाड़ें जेवन १६३ देस में छिटाइल बाड़ें।[३][४] अगर देस अनुसार लिस्ट देखल जाय त, इटली में ५१ स्थल बाड़ें आ ई पहिला नंबर पर बाटे। एकरा बाद, चीन (४८), स्पेन (४४), फ्रांस (४१), जर्मनी (४०), मैक्सिको (३३), आ सातवाँ नंबर पर भारत (३२) की साथ अगिला क्रम पर बाड़ें। यूनेस्को इनहन के एगो पहिचानक नंबर देला, आ अब नया सिस्टम में जेवन स्थल ई लिस्ट से बाहर हो गइल बाड़ें उन्हन के नंबर भी सुरक्षित राखल जाला जेवना से ई पहिचान नंबर कुल के संख्या १२०० से अधिका हो चुकल बाटे हालाँकि वर्तमान (लिस्ट) में अइसन स्थल सब के संख्या कम बाटे।

हर एक बिस्व धरोहर स्थल कानूनी रूप से ओही राज्य या राष्ट्र के हिस्सा मानल जाला जौना में ऊ मौजूद बाटे, बाकी यूनेस्को इनहन के सुरक्षा आ संरक्षण की दृष्टी से अंतरराष्ट्रीय समुदाय के सामूहिक इंट्रेस्ट के बिसय मानेला।

संदर्भ[संपादन]

  1. "World Heritage". 
  2. "The World Heritage Committee"; UNESCO World Heritage Site; पहुँचतिथी 28 नवंबर 2015. 
  3. World Heritage List, UNESCO World Heritage Sites official sites.
  4. Sites in Germany and Italy bring to 19 the number of sites inscribed on the World Heritage List this year, UNESCO World Heritage Sites official sites.

बाहरी कड़ी[संपादन]