मानसून

विकिपीडिया से
सीधे इहाँ जाईं: नेविगेशन, खोजीं
मानसून के बादर, नागरकोइल, तमिलनाडु, भारत

मानसून के परंपरागत परिभाषा, हवा के दिसा में होखे वाला बदलाव के रूप में दिहल जाले, जेह में हवा बहे के दिसा एक सीजन से दूसरा सीजन के बीच एकदम उलटा हो जाले आ इलाका में होखे वाला बरखा के मात्रा एकरा से प्रभावित होला।[1] हालाँकि, अब मानसून के अरथ धरती के वायुमंडल में बड़ा पैमाना पर होखे वाला सर्कुलेशन से लिहल जाला जेकर कारण जमीनी आ समुंदरी हिस्सा के अलग-अलग तेजी से गरम होखल बा।[2][3] आमतौर पर बोलचाल की भाषा में मानसून शब्द के प्रयोग बरखा के सीजन खातिर होला, हालाँकि मानसून के दौरान बीच-बीच में सूखा मौसम के दौर भी आवे ला।

दुनिया के सभसे बड़हन मानसून सिस्टम सभ में पच्छिमी अफिरकीएशिया-आस्ट्रेलियाई मानसून आवे लें; भारतीय मानसून भी एह में दुसरका के हिस्सा हवे। उत्तर आ दक्खिन अमेरिका में भी अइसन सिस्टम पावल जाला बाकी उहाँ हवा के बहाव के दिसा एकदम से ना उलटे ले आ एही कारन एह सिस्टमन के मानसून माने पर बिबाद बा।[4]

मानसून शब्द अंगरेजी के हवे, ब्रिटिश राज में भारत, बांग्लादेश, बर्मा, पाकिस्तान आ आसपास के इलाका में गरमी के सीजन के बाद बंगाल के खाड़ी आ अरब सागर से उठे वाली हवा के जमीनी हिस्सा पर पहुँच के भारी बरखा करे के घटना खातिर इस्तमाल शुरू भइल।[5][6]

संदर्भ[संपादन]

  1. Ramage, C., Monsoon Meteorology. International Geophysics Series, Vol. 15, 296 pp., Academic Press, San Diego, Calif. 1971.
  2. Trenberth, .K.E., Stepaniak, D.P., Caron, J.M., 2000, The global monsoon as seen through the divergent atmospheric circulation, Journal of Climate, 13, 3969–3993.
  3. "On Air–Sea Interaction at the Mouth of the Gulf of California", Paquita Zuidema and Chris Fairall, in Journal of Climate, Volume 20, Issue 9, May 2007, published by the American Meteorological Society
  4. Rohli, Robert V.; Vega, Anthony J. (2011); Climatology; Jones & Bartlett Learning; p. 187; ISBN 978-0763791018; पहुँचतिथी 2011-07-23. 
  5. Glossary of Meteorology (June 2000); "Monsoon"; American Meteorological Society; पहुँचतिथी 2008-03-14. 
  6. International Committee of the Third Workshop on Monsoons. The Global Monsoon System: Research and Forecast. Retrieved on 2008-03-16.