स्तूप

सारनाथ के धमेक स्तूप, उत्तरपूर्वी भारत मे के सबसे पुरान स्तूप हवे।

एगो कड़ी के हिस्सा जेकर बिसय बाटे
बौद्ध धर्म
इतिहास टाइमलाइन गौतम बुद्ध संगीति बाद के बुद्धिज़्म
धर्म बिचार चारि गो आर्य सत्य पाँच को आधार अनित्य दुःख अनात्म प्रतीत्यसमुत्पाद मज्झिम मार्ग शून्यता कर्म पुनर्जन्म संसार कॉस्मोलॉजी
शिक्षा त्रिरत्न मुक्ति के बौद्ध मार्ग शील पारमिता ध्यान स्मृति प्रज्ञा करुणा बुद्धत्व प्राप्तिमार्ग संन्यास मार्ग गृहस्थ धर्म
निर्वाण चार अवस्था अर्हत बुद्धत्व बोधिसत्व
बौद्ध संप्रदाय बौद्ध ग्रंथ थेरवाद पालि कैनन महायान हीनयान चीनी वज्रयान तिब्बती नवयान
रूपरेखा

स्तूप ढूह या टीला नियर आकृति के एगो रचना होला जवना में (आमतौर पर बौद्ध) भिक्षु या भिक्षुणी लोग के शरीर के कौनों अवशेष गाड़ल गइल रहेला। एक तरह से ई भिक्षु लोग के समाधी भा यादगार होला। ई जगह धार्मिक रूप से पबित्र मानल जाले आ आसपास के जगह ध्यान लगावे खातिर इस्तेमाल होले।

सभसे पुरान स्तूप मध्य प्रदेश में साँची स्तूप हवे। भारत के अलावा ई अउरी अइसन देस सभ में भी बनावल गइल बाने जहाँ बौद्ध धरम के परभाव बा।

इतिहास

स्तूप के निर्माण के सुरुआत बुद्ध के समय से पहिले से हो चुकल रहे। श्रमण लोग के बइठल अवस्था में गाड़े खातिर चैत्य के निर्माण होखे। बुद्ध के निर्वाण के बाद उनुके जरा दिहल गइल आ राख के बाँट के आठ गो ढूह में समाधी बनावल गइल आ दू गो अउरी ढूह में अस्थि-अवशेष के समाधी दिहल गइल।

सभसे पुरान स्तूप सभ के पुरातत्व वाली जानकारी 4^थी सदी ईपू के मिलेला। बौद्ध ग्रंथ सब के मोताबिक स्तूप के निर्माण बुद्ध के मरले के एक सदी बाद शुरू भइल। इहो मानल जाला कि पहिले ई चीज लकड़ी के बनावल जाय या फिर खाली भर माटी के ढेर एकट्ठा करि के गोल टीला के आकार दे दिहल जाय। बाद में ई पक्का ईंटा के बनावल जाए लागल।

अउरी बाद में, बौद्ध धर्म के बिस्तार के बाद, ई परंपरा भारत के बाहर के देसवन में पहुँचल। उदाहरण खातिर पूर्ब एशिया के देस सभ में बने वाला पैगोडा के एही स्तूप के निरखल रूप मानल जाला।

प्रमुख स्तूप

(4^थी–1^ली सदी ईसापूर्व) में सम्राट अशोक के बनवावल साँची स्तूप।

बोरोबुदुर के घंटी के आकार के स्तूप समूह।

भारत के प्रमुख स्तूप में सारनाथ में धमेक स्तूप, साँची स्तूप, भरहुत स्तूप आ अमरावती स्तूप के गिनल जाला। सभसे ऊँच स्तूप थाईलैंड में फ्रा पथोमाचेदी स्तूप बाटे जवन 127 मीटर ऊँच बाटे। एकरे अलावा पाकिस्तान के स्वात घाटी में, श्रीलंका में आ अउरी बहुत सारा देसवन में पुरान स्तूप बाड़ें। सभसे बिस्तार से बनल स्तूप बोरोबुदुर में मौजूद बाटे जवन यूनेस्को द्वारा बिस्व विरासत स्थल घोषित बाटे।

गैलरी

• 

  साँची स्तूप

• 

  स्वात घाटी में मौजूद स्तूप।

• 

  Dro-dul Chorten - गांतोक, सिक्किम।

• 

  बुद्धानाथ, काठमांडो घाटी, नेपाल।

• 

  जेतवनारमाया स्तूप, अनुराधापुर, श्री लंका दुनिया के सभसे बड़ा ईंटा से बनल संरचना बाटे।

• 

  बोरोबुदुर के मुख्य स्तूप आ बुद्ध के मूर्ती।

• 

  नॉम पेन्ह, कंबोडिया के रॉयल पैलेस में ख्मेर इस्टाइल में बनल स्तूप।

• 

  तिब्बती परंपरा में आठ गो महा स्तूप

• 

  बुद्धत्व के स्तूप, ओगोय टापू, रूस