बोधगया

बिहार के राजधानी पटना के दक्षिणपूर्व में लगभग 100 किलोमीटर दूर स्थित बोधगया गया जिले से सटल एगो छोट शहर बा। बोधगया में बोधि पेड़ के नीचे तपस्या करत गौतम बुद्ध के ज्ञान के प्राप्ति भइल रहल। तबे से ई स्थल बौद्ध धर्म के अनुयायियन खातिर अत्यंत महत्वपूर्ण हो गइल बा। एकर गिनती चार सबसे महत्वपूर्ण बौद्ध तीरथ में होला बाकी तीन गो अस्थान बा लुम्बिनी, सारनाथ आ कुशीनगर। वर्ष 2002 में यूनेस्को द्वारा ई शहर के विश्व विरासत स्थल घोषित करल गइल।