ग्रुप 3 तत्व

विकिपीडिया से

ग्रुप 3 पीरियाडिक टेबल में तिसरा समूह हवे। डी ब्लाक के अन्य ग्रुप सभ के नियर एकरा में भी चार गो रासायनिक तत्व शामिल कइल जाइल चाहीं, बाकी अइसन बा ना। एह में मतभेद बा आ स्कैंडियम (Sc) आ यिट्रियम (Y) के हमेशा सामिल कइल जाला जबकि बाकी दू गो में, लैंथेनम (La) आ एक्टिनियम (Ac), चाहे दूसरा मत अनुसार लुटेटियम (Lu) आ लॉरेंशियम (Lr) के शामिल कइल जाला; कुछ अन्य मत अनुसार एह में कुल 32 गो तत्व सभ (सगरी लैंथेनाइड आ एक्टिनाइड सभ के सामिल क के) रख लिहल जाला जबकि अउरी लोग एह में बस स्कैंडियम आ यिट्रियम के रखे ला। जब एह ग्रुप में पूरा बत्तीस गो तत्व के रख लिहल जाला तब एह समूह के बड़ नाँव रेयर-अर्थ मेटल्स (महँग-मटिया धातु) हो जाला।