भारतीय रुपिया

भारतीय रुपिया
भारतीय रुपिया
भारतीय रुपया (हिंदी) ভাৰতীয় টকা (असमिया) ; ভারতীয় টাকা (बंगाली) ; ભારતીય રૂપિયો (गुजराती) ; ಭಾರತದ ರೂಪಾಯಿ (कन्नड़) ; بًآرتسے رۄپے (कश्मीरी) ; भारती रुपय (Konkani) ; ഇന്ത്യൻ രൂപ (मलयालम) ; भारतीय रुपया (मराठी) ; भारतीय रुपिया (नेपाली) ; ଭାରତୀୟ ମୁଦ୍ରା (Odia) ; ਭਾਰਤੀ ਰੁਪਈਆ (Punjabi) ; भारतीयरूप्यकम् (संस्कृत) ; இந்திய ரூபாய் (तमिल) ; భారత్ రూపాయి (तेलुगु) ; بھارتی روپیہ‎ (उर्दू) ;
ISO 4217
कोड	INR
नंबर	356
घातांक	2
डिनॉमिनेशन
छोट इकाई
1/100	पइसा
चीन्हा	₹
पइसा	p
बैंकनोट
ढेर चलन में	₹10, ₹20, ₹50, ₹100, ₹500, ₹2000
कम चलन में	₹1, ₹2, ₹5
सिक्का
ढेर चलन में	₹1, ₹2, ₹5, ₹10
कम चलन में	50प
जनसंख्या आँकड़ा
ऑफिशियल इस्तेमाल	भारत
गैर-ऑफिशियल	भूटान; नेपाल; जिम्बाब्वे
ढलाई/छपाई
सेंट्रल बैंक	भारतीय रिजर्व बैंक
छापे वाला	भारतीय रिजर्व बैंक
वेबसाइट	www.rbi.org.in
टकसाल	भारत सरकार टकसाल
वेबसाइट	www.spmcil.com
कीमत
इनफ्लेशन	4.9%, 2015-16
स्रोत	RBI - Annual Inflation Report
तरीका	CPI
समकक्ष	भूटानी न्गुल्त्रम (बरोबर); नेपाली रुपिया (1 INR = 1.6 NPR)
	↑ भूटानी न्गुल्त्रम के साथ ; ↑ नेपाली रुपिया के साथ ; ↑ अमेरिकी डालर, दक्खिन अफिरकी रैंड आ बोत्स्वाना पुला के साथ ;

भारतीय रुपिया (चीन्हा: ₹; कोड: INR), भारत गणतंत्र के ऑफिशियल करेंसी हवे। एक रुपिया के 100 पइसा में बाँटल जाला, हालाँकि, 25 पइसा या एकरा से कम कीमत के पइसा वाला सिक्का साल 2011 के बाद से अब लीगल टेंडर नइखे रह गइल। एह करेंसी के नियंत्रण भारतीय रिजर्व बैंक करे ला।^[3] रिजर्व बैंक ऑफ इंडिया एक्ट, 1934 से रिजर्व बैंक के भारतीय करेंसी के नियंत्रण आ ब्यवस्थापन के अधिकार मिलल हवे। एकर नाँव "रुपिया" सुल्तान शेर शाह सूरी के जारी कइल चानी के सिक्का, जवना के रुपिया कहल जाव, के नाँव पर पड़ल हवे।

साल 2010 में, एक ठो नया चीन्हा आधिकारिक तौर पर अंगीकार कइल गइल। ई चीन्हा देवनागरी लिपि के "र" अक्षर आ रोमन "R" (आर) के मिलल जुलल रूप हवे। ऊपर दू गो पट रेख बाड़ी जिनहन से भारत के तिरंगा झंडा के भान होखेला। एह चीन्हा वाला सिक्का सभ के पहिली लाट आठ जुलाई 2011 से चलन में आइल।

8 नवंबर 2016 के मोदी सरकार के एक ठो बड़ फैसला में पुरान 500 आ 1000 रुपिया के नोटबंदी के घोषणा कइल गइल आ ई ओही रात से लागू क दिहल गइल। एकर कारण, काला धन पर रोक लगावल, बतावल गइल। बाद में कैशलेस अर्थब्यवस्था के ओर आगे बढ़े खातिर उठावल गइल कदम के रूप में एह नोटबंदी के परचार कइल गइल। एही के बाद पुरनका 500 के जगह पर नया सीरीज के नोट आइल आ पहिली बेर 2000 रुपिया के नोट भी चलन में आइल। एह नया नोट सभ के डिजाइन छोट कीमत वाला नोट सभ पर भी लागू होखी।

शब्द

रुपिया शब्द के उत्पत्ती संस्कृत के रूप्यकम् से भइल बतावल जाला। रूप्यकम् के अरथ चानी के सिक्का होखे। वर्तमान समय के रुपिया के सीधा संबंध शेर शाह सूरी के चलावल चानी के सिक्का से बाटे जेकरा के रुपिया कहल गइल। मुगल लोग एकरा के एही नाँव से चलावल आ अंग्रेजी राज में भी इहे परंपरा चलल चलि आइल।

बंगाल में रुपिया खातिर "टका" शब्द के इस्तेमाल होला। ई रुपिया के आम अरथ में इस्तेमाल होला, भले करेंसी कौनों भी होखे।

वर्तमान में चलन में नोट

वर्तमान में, 10 नवंबर 2016 तक ले, चलन में रुपिया के नोट सभ के लिस्ट नीचे दिहल गइल बाटे:

वर्तमान में चलन में नोट
Image		कीमत	साइज	मुख्य रंग	बिबरण			चलन क तारीख	चलन में
सामने	उल्टा	कीमत	साइज	मुख्य रंग	सामने	उल्टा	वाटरमार्क	चलन क तारीख	चलन में
		₹1	97 × 63 mm	नीला	एक रुपिया के सिक्का	सागर सम्राट	अशोक स्तंभ	1994 / 2015^[4]^[5]	कम
		₹5	117 × 63 mm	हरियर	महात्मा गाँधी	ट्रैक्टर	महात्मा गाँधी	2002 / 2009	कम
		₹10	137 × 63 mm	नारंगी-बैंगनी		गैंडा, हाथी, शेर		1996 / 2006	भरपूर
		₹20	147 × 63 mm	लाल-नारंगी		माउंट हैरियेट, पोर्ट ब्लेयर		2001 / 2006	भरपूर
		₹50	147 × 73 mm	बैंगनी		भारतीय संसद		1997 / 2005	भरपूर
		₹100	157 × 73 mm	बीच में नीला-हरा, दूनों किनारे भूरा-बैंगनी		हिमालय परबत		1996 / 2005	भरपूर
		₹500	150 × 66 mm	चट्टानी मटियाहूँ		लाल किला		2016	भरपूर
		₹2000	166 × 66 mm	मैजेंटा		मंगलयान		2016	भरपूर
तालिका मानक खातिर देखल जाय नोट_स्पेसिफिकेशन_तालिका।