भारतीय गैंडा

विकिपीडिया से
Jump to navigation Jump to search
नेपाल के चितवन में नारायणी नदी के तीरे एगो भारतीय गैंडा।

भारतीय गैंडा (अंगरेजी: Indian rhinoceros; बैज्ञा. नाँव: Rhinoceros unicornis) चाहे एक-सींघ वाला बिसाल गैंडा गैंडा सभ के एगो प्रजाति हवे जे मूल रूप से भारतीय उपमहादीप के निवासी हवे। एकरा के आइयूसीएन लाल सूची में वलनरेबल कटेगरी में रखल गइल बाटे काहें से की इनहन के आबादी कम बा आ हैबिटाट (आवास के इलाका) बस 20 हजार वर्ग किलोमीटर में बिस्तार वाला आ उहो कई हिस्सा में बँटल बाटे। ई गैंडा पुराना समय से भारतीय तराई-दुआर आ घास के मैदान वाली नमभूमि सभ में रहे वाला जीव हवे। वर्तमान समय में ई नेपाल आ भारत के कुछे इलाका सभ में सिमित बा। 2018 के अनुमान अनुसार इनहन के कुल आबादी 3588 रहल जेह में 2939 भारत में आ 649 गो नेपाल में रहलें।

भारत में आसाम राज्य में काजीरंगा नेशनल पार्क में इनहन के सभसे बेसी, लगभग 70 %, आबादी बा जबकि आसामे के पबित्रा बनजीव बिहार में इनहन के सभसे घन आबादी पावल जाले जहाँ 2018 में, बस 38 वर्ग किलोमीटर के एरिया में 102 गो गैंडा दर्ज कइल गइल रहले।

इहो देखल जाय[संपादन करीं]