गैंडा

गैंडा (Rhinoceros, राइनोसेरस) भा राइनो एक किसिम के मैमल जानवर हवे जे राइनोसेरोटिडाई परिवार में आवे ला एह परिवार के पाँच गो प्रजाति सभ वर्तमान में मौजूद बाड़ीं जबकि कई गो बिलुप्त हो चुकल बाड़ीं। इनहन में से दू गो प्रजाति अफिरका महादीप के आ तीन गो प्रजाति दक्खिन एशिया आ दक्खिन-पूर्ब एशिया के मूल प्रजाति हईं। भारतीय गैंडा वर्तमान में भारत आ नेपाल में पावल जाला जे दक्खिन एशिया के मूल प्रजाति हवे।

गैंडा सभ बिसाल आकार के प्राणी होखे लें। इनहन के वजन लगभग एक टन होखे ला, घास आ बनस्पति खालें, मने कि शाकाहारी होखे लें, साइज के हिसाब से दिमाग बहुत छोट होखे ला (400-600 ग्राम) आ इनहन के नाक पर एक ठो भा दू ठो सींघ होखे ला, बहुत मोट चमड़ी (1.5 से 5 सेमी) होखे ला।