बिहार के भूगोल
बिहार राज्य उत्तरी पूर्वी भारत क एगो राज्य हवे[1] जेवन भारत की गंगा मैदान में स्थित बाटे आ एकर भूगोलीय बिस्तार 21° 58' 10" N ~ 27° 31' 15" N अक्षांश आ 82° 19' 50" E ~ 88° 17' 40" E देशांतर की बिचा में बाटे। बिहार के कुल रकबा 94,163 वर्ग किलोमीटर बाटे। बिहार के सीमा उत्तर में नेपाल, पुरुब ओर पश्चिम बंगाल, दक्खिन ओर झारखंड आ पच्छिम ओर उत्तर प्रदेश से सटल बा।
भौतिक रचना
[संपादन करीं]बिहार के जमीन की रचना की हिसाब से दू भाग में बाँटल जाला - शिवालिक के पहाड़ी भाग आ उत्तरी तराई प्रदेश अउरी बिहार मैदान।
तराई
[संपादन करीं]तराई वाला हिस्सा मे तीन गो उपबिभाग कइल जाला:
- रामनगर दून: लगभग 200 वर्ग किलोमीटर की क्षेत्र मे बिस्तार वाला ई छोटहन पहाड़िन के लड़ी बाटे। एह के दक्खिनी श्रेणी भी कहल जाला। अहिजा सभसे ढेर ऊँचाई करीब 240 मीटर बा।
- सोमेश्वर श्रेणी: त्रिवेणी नहर की उद्गम से ले के भिखनाठोरी ले लगभग 75 वर्ग किलोमीटर में बिहार आ नेपाल की सीमा की रूप में ई पहाड़ी बाड़ीं सब जेवना में सोमेश्वर, भिखनाठोरी आ मरवत दर्रा बाटें आ एहकर सभसे ऊँच चोटी 874 मीटर बाटे।
- दून घाटी (हरहा नदी): ई घाटी रामनगर दून आ सोमेश्वर श्रेणी की बिचा में बाटे, ए के हरहा नदी के घाटी भी कहल जाला।
गंगा मैदान
[संपादन करीं]बिहार में गंगा के बिचला मैदान पड़ेला आ एहू के दू हिस्सा में बाँटल जाला उत्तरी बिहार क मैदान आ दक्खिनी बिहार क मैदान।
- उत्तरी गंगा के मैदान: के निर्माण नेपाल से उतरे वाली नदिन कि निक्षेप से भइल बा। सामान्य ढाल उत्तर पच्छिम से दक्खिन पूरुब की ओर बाटे आ औसत ऊंचाई 66 मीटर बा। ई मैदान के घाघरा-गंडक दुआब, गंडक-कोसी दुआब, आ कोसी-महानंदा दुआब में बाँटल जाला। बाढ़ की मैदान में दियारा पावल जाला आ नदी की धारा के एहर-ओहर हटला से चौरी आ छारण जइसन स्थलरूप बनल बाने।
- दक्खिनी गंगा मैदान: के बिस्तार छोटा नागपुर की पठारी हिस्सा की उत्तरी किनारा से शुरू हो के उत्तर में गंगा नदी ले बा। मैदान पच्छिम में ढेर चौड़ा बाटे आ पूरुब ओर जाके राजमहल पहाड़ी की कारन सांकर हो गइल बा। औसत ढाल दक्खिन से उत्तर की ओर हवे आ सोन, कर्मनाशा, आ पुनपुन प्रमुख नदी हईं। गंगा-सोन दुआबा, मगध मैदान आ अंग मैदान एकर तीन गो उपबिभाग हवे।
नदी-झील सभ
[संपादन करीं]
|
|
|
पहाड़ी सभ
[संपादन करीं]बिहार के सभसे दक्खिनी हिस्सा में कई गो पहाड़ी बा जेवना में कुछ प्रमुख पहाड़ी बाड़ीं:
- राजगीर के पहाड़ी
- बरबर के पहाड़ी
- बटेश्वर पहाड़ी
- कैमूर श्रेणी
- ब्रह्मयोनी पहाड़ी
- प्रेतशिला पहाड़ी
- रामशिला पहाड़ी
प्रशासनिक/राजनीतिक विभाजन
[संपादन करीं]बिहार में 38 गो जिला बा जेवन 9 गो प्रमंडल में ग्रुप कइल बाटे:
| प्रमंडल | मुख्यालय | जिला |
|---|---|---|
| भागलपुर | भागलपुर | बाँका, भागलपुर |
| दरभंगा | दरभंगा | दरभंगा, मधुबनी, समस्तीपुर |
| कोसी | सहरसा | मधेपुरा, सहरसा, सुपौल |
| मगध | गया | अरवल, औरंगाबाद, गया, जहानाबाद, नवादा |
| मुंगेर | मुंगेर | जमुई, खगडिया, मुंगेर, लखीसराय, शेखपुरा, बेगुसराय |
| पटना | पटना | भोजपुर, बक्सर, कैमुर, पटना, रोहतास, नालंदा |
| पूर्णिया | पूर्णिया | अररिया, कटिहार, किशनगंज, पूर्णिया |
| सारण | छपरा | गोपालगंज, सारण, सिवान |
| तिरहुत | मुजफ्फरपुर | पुर्वी चम्पारण, मुजफ्फरपुर, शिवहर, सीतामढी, वैशाली, पश्चिम चम्पारण |
जलवायु
[संपादन करीं]बिहार के जलवायु नम उपोष्ण कटिबंधी जलवायु (Cwa) हवे। इहाँ जाड़ा में ख़ूब ठंढा मौसम रहेला आ तापमान 0 से 10 डिग्री ले नीचे गीर जाला। जाड़ा में बरखा पच्छिमी विक्षोभ से पैदा चक्रवात से होला। फरवरी कि अंत से ले के अप्रैल ले मौसम बसंत के होला आ सुहावन होला। अप्रैल की बाद गर्मी पड़े शुरू होला आ मई की अंत ले ख़ूब गर्मी पड़ेला जेवना में तापमान 45 डिग्री ले ऊपर पहुँच जाला। मई में लोकल झंझावात से बरखा भी होला। एकरी बाद मानसून के सीजन आ जाला आ बरखा के शुरुआत होला जेवन सितंबर की शुरुआत ले चलेला। बिहार में 150 से 200 सेंटीमीटर ले बरखा होला। अक्टूबर-नवंबर के मौसम सुहावन होला आ फिर नवंबर से जाड़ा शुरू हो जाला।
बन क्षेत्र
[संपादन करीं]बिहार की 5,558 वर्ग किलोमीटर हिस्सा में बन क्षेत्र बा जेवना में 76 वर्ग किलोमीटर के क्षेत्र पर बहुत घन बन बा। बिहार की कुल रकबा के 5.9% क्षेत्र पर बन बाटे।
प्राकृतिक आफत
[संपादन करीं]
संदर्भ
[संपादन करीं]- ↑ "GSI - Eastern Region". Geographical Survey of India, Government of India. Archived from the original on 2015-09-24. Retrieved 16 मार्च 2015.
 | ई बिहार से संबंधित लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |