सिविल लाइंस, इलाहाबाद

विकिपीडिया से
Jump to navigation Jump to search
सिविल लाइंस
कैनिंगटन
इलाहाबाद के मोहल्ला
इलाहबाद के आकासरेखा, इंदिरा भवन वाला इलाका
इलाहबाद के आकासरेखा, इंदिरा भवन वाला इलाका
पुकार नाँव: White Town [1][2]
देस भारत
राज्य उत्तर प्रदेश
शहर इलाहाबाद
बसावल गइल 1857
संस्थापक सी॰ बी॰ थाॅर्नहिल
सरकार
 • प्रकार मेयर-समिति
 • संस्था इलाहाबाद नगर निगम
पिनकोड 211001

सिविल लाइंस (पुराना नाँव कैनिंग टाउन जेकरा कैनिंगटन भी कहल जाय) इलाहाबाद के एगो मोहल्ला बा। ई मोहल्ला इलाहाबाद के सभसे प्रमुख पर्यटक आकर्षण त्रिवेणी संगम से करीबन 7 किलोमीटर पच्छिमी दिसा में बाटे।[3]

वर्तमान में ई इलाहाबाद के सेंट्रल बिजनेस डिस्ट्रिक्ट के रूप में डेवलप हो चुकल बा आ बड़ी-बड़ी इमारत, मॉल, शो-रूम आ अपार्टमेंट वाला इलाका बन गइल बा। चौकोर ग्रिड नियर बनावट में बनल सड़क वाला ई मोहल्ला रिहायशी कॉलोनी के रूप में बसावल गइल रहल आ इहाँ बड़े-बड़े बंगला रहलें, जबकि अब ई पूरा तरीका से कमर्शियल एरिया बनत जा रहल बा।

1858 में, सी. बी. थाॅर्नहिल के निगरानी में बसावल गइल ई इलाका अपना समय में भारत के सभसे बड़हन टाउन प्लानिंग प्रोजेक्ट रहल, जब तक ले कि दिल्ली शहर में प्लानिंग से बसाव ना शुरू भइल।

इतिहास[संपादन]

मोहल्ला सिविल लाइंस के 1858 में बसावल गइल, गदर के ठीक बाद, जब शहर के बिद्रोही लोग से आजाद करा लिहल गइल, एह इलाका में रहे वाला मुसलमान मेवाती समुदाय के लोगन के आठ गो गाँव[2] तबाह क के ई इलाका खाली करावल गइल।

ओह समय में ई वाइट टाउन (गोरा लोग के शहर) के नाँव से जानल जाय आ हिंदुस्तानी लोग के एह में जाए के इजाजत ना रहल।

रिहायशी बिल्डिंग[संपादन]

वर्तमान में, शहर चूँकि तीन ओर से नदी से घेराइल बाटे, इलाहाबाद में वर्टिकल ग्रोथ, मने की ऊँच बिल्डिंग बनावल बिकल्प के रूप में बा आ सिविल लाइंस एह मामिला में आगे बा जहाँ अइसन निर्माण हो रहल बा। इलाहाबाद के पहिली बारह मंजिल के इमारत एही सिविल लाइंस में महात्मा गाँधी मार्ग पर एडीए (अब पीडीए) के बनवावल संगम प्लेस रहल ह जे कामर्शियल आ ऑफिस खाती इस्तेमाल में आवे ला। बाकी अब ऊँच-ऊँच बिल्डिंग रिहायश खाती भी एह इलाका में भरपूर बन रहल बाड़ी सऽ।[4]


संदर्भ[संपादन]

  1. "Death of a small town". पहुँचतिथी 22 April 2014.
  2. 2.0 2.1 Mishra, Pankaj (Oct 12, 2011). Temptations of the West: How to be Modern in India, Pakistan and Beyond. London: Pan Macmillan. पप. 35–36. ISBN 9780330434683. पहुँचतिथी Jan 23, 2014.
  3. "संगम और घाट | प्रयागराज | उत्तर प्रदेश पर्यटन". Uttarpradesh.gov.in. पहुँचतिथी 2019-01-29.
  4. "इलाहाबाद: ऊंचाई छूती संगम नगरी - Allahabad height touch the sangam city - AajTak". Aajtak.intoday.in. 2013-02-09. पहुँचतिथी 2019-01-29.