मम्फोर्डगंज
मम्फोर्डगंज भा ममफोर्डगंज (जेकरा लोग मंफोड़गंज भी उच्चारण करे ला), उत्तर प्रदेश के शहर इलाहाबाद में एगो मोहल्ला बा।[1] शहर के उत्तरी हिस्सा में बसल ई मोहल्ला प्लानिंग के साथ, अंगरेजन के जमाना के बस्ती हवे आ अपना चौकोर ग्रिड नियर बनावट वाली सड़क आ खुला रिहाइशी इलाका खाती जानल जाला। इलाहाबाद में, 1911 के आसपास के समय में इलाहाबाद म्यूनिसिपल बोर्ड (अब इलाहाबाद नगर निगम) के चेयरमैन रहल प्रशासक सर सी॰ ए॰ ममफोर्ड[2] के नाँव पर एह मोहल्ला के नाँव रखल गइल हवे।[3]
मोहल्ला ममफोर्डगंज, शहर के उत्तरी हिस्सा में बसल बा आ ई नया कटरा मोहल्ला के उत्तर ओर बा। एकर पूरुब ओर के सीमा राय बहादुर रामचरण दास रोड आ पच्छिम ओर के सीमा स्टैनली रोड से बने ला। स्टैनली रोड के पार, पच्छिम में, म्योराबाद आ कमला नगर मोहल्ला बाने। ममफोर्डगंज के पूरुब आ उत्तर ओर मलेटरी के कैंट वाला इलाका बाने।
फब्बारा चौराहा, एह मोहल्ला के सभसे मुख्य चौराहा हवे।
संदर्भ
[संपादन करीं]- ↑ Jonathan M. Bloom, Sheila Blai (2009). The Grove Encyclopedia of Islamic Art and Architecture, Volume 3. Oxford University Press. p. 57. ISBN 8125013830.
- ↑ John Gallagher; Gordon Johnson; Anil Seal (26 July 1973). Locality, Province and Nation: Essays on Indian Politics 1870 to 1940. CUP Archive. pp. 107–. ISBN 978-0-521-09811-3.
- ↑ Vikas Datta (2016-11-29). "Love and heartbreak, Allahabad style". Sg.news.yahoo.com. Retrieved 2019-01-22.[मुर्दा कड़ी]
 | ई लेख उत्तर प्रदेश के कौनों जगह से संबंधित एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |