उत्तर अमेरिका के भूगोल
उत्तर अमेरिका के भूगोल (अंग्रेजी: Geography of North America) के तहत दुनियाँ के तिसरा सभसे बड़ महादीप (अफिरका आ एशिया के बाद)[1], उत्तर अमेरिका के थलरूप, हावापानी, बनस्पति से ले के खेतीकिसानी आ संसाधन अउरी उद्योग नियर मानवीय चीज सभ के भूगोलीय बिबरन प्रस्तुत कइल जाला। उत्तर अमेरिका, दुन्नों अमेरिका सभ के सड़मेंड़ सुपर महादीप सभ के उत्तरी हिस्सा हवे। ई पनामा के थलजोड़ (इस्थमस ऑफ़ पनामा) द्वारा दक्खिन अमेरिका महादीप से जुड़ल बा आ पनामा नहर इनहन के बिलग करे ले। राजनीतिक सीमा के रूप में, पनामा-कोलंबिया बाडर एह दुनों महादीप सभ के अलगा करे ला। एकरा के थलरूप के बिसेसता के आधार पर कई हिस्सा में बाँटल जा सके ला आ ई मानवीय हिसाब से दुनियाँ से सभसे शहरी महादीप भी हवे।
उत्तर अमेरिका के बिस्तार 24,709,000 वर्ग किलोमीटर (9,540,000 बर्गमील) क्षेत्र पर बा जे पूरा पृथ्वी के 16.5 % जमीनी हिस्सा आ लगभग 4.8 % कुल क्षेत्रफल के हिस्सा के रूप में बाटे। 2013 में, एह महादीप के आबादी के अनुमान 579 मिलियन लगावल गइल रहल जेह में कुल 23 गो आजाद देस सामिल रहलें, ई पूरा दुनियाँ के जनसंख्या के लगभग 7.5 % हिस्सा रहल, अगर आसपास के दीप सभ (ज्यादतर कैरीबियन दीप) के सामिल क लिहल जाय।
भौतिक बिभाजन
[संपादन करीं]उत्तर अमेरिका के भौतिक भूगोल के हिसाब से नीचे दिहल गइल भाग में बाँटल जाला[2]:
पच्छिमी ऊँच भूमि
[संपादन करीं]
में नया जमाना (अल्पाइन क्रम) के परबत श्रेणी मौजूद बाड़ी। इनहन में सभसे प्रमुख आ सुपरिचित राकी परबत बा। इनहन के पच्छिमी कार्डिलेरा चाहे अमेरिकन कार्डिलेरा के नाँव से भी जानल जाला।[नोट 1] एही पहाड़ सभ के बीचा में कई गो पठार भी बाड़ें: कोलंबिया के पठार, कोलोरैडो पठार, आ सभसे बड़ पठार ग्रेट बेसिन एही इलाका में हवें जे अंतरपरबती पठार के उदाहरण हवें।
सभसे उत्तर से शुरू कइल जाय तब: उत्तर अमेरिका के उत्तरी-पच्छिमी कोना के रूप में मौजूद अलास्का के प्रायदीप से ई परबत शुरू हो जालें। एह में उत्तर में ब्रुक्स श्रेणी बा आ दक्खिन ओर अलास्का श्रेणी बाटे जिनहन दुनों के बीचा से यूकान नदी आपन घाटी बना के बहे ले। अउरी दक्खिन आवल जाय तब कनाडा के इलाका में उत्तर-पछिम से दखिन-पुरुब के बिस्तार लिहले मैकेंजी श्रेणी बा। मैकेंजी स के दक्खिन से एह महादीप के सभसे लमहर परबत श्रेणी राकी परबत के बिस्तार शुरू हो जाला आ ई उत्तर-पच्छिम से दक्खिन-पुरुब के दिसा में अमेरिका देस के दक्खिनी हिस्सा तक ले चहुँप जाला। एह परबत के समानांतर पच्छिम में कई गो पठार बाने आ ओह पठार सभ के भी पच्छिम में अउरी कई गो परबत श्रेणी बाड़ी स। सभसे उत्तर में इनहन में कैस्केड श्रेणी बा। कैस्केड आ राकी के बीचा में ग्रेट बेसिन पठार बा। एह पठार के उत्तर में मौजूद श्रेणी ब्लू रेंज कहाले। ग्रेट बेसिन के दक्खिन में कोलंबिया के पठार आ एरिजोना (अराइजोना) के रेगिस्तान बाड़ें जिनहना के पच्छिम में कोस्ट रेंज आ पुरुब में राकी परबत बा।
अउरी दक्खिन बढ़ल जाय तब कोस्ट रेंज के दक्खिनी हिस्सा आ राकी के बीचा में मोहावी (मोज़ेव) के रेगिस्तान आ फिर एकरे भी दक्खिन में सोनोंरान रेगिस्तान बा। एकरे दक्खिन में मैक्सको के इलाका शुरू हो जाला जे पूरबी सिएरा माद्रे आ पच्छिमी सिएरा माद्रे के पहाड़ आ इनहन के बीचा में मौजूद मैक्सिको के पठार के रूप में एही कार्डिलेरा के बिस्तार हवे। आगे दक्खिन में ई पहाड़ी हिस्सा पातर हो जाला आ ऊँचाई कम हो जाले बाकी देखल जाय तब एक तरह से पूरा मध्य अमेरिका के हिस्सा जे आगे उत्तर आ दक्खिन अमेरिका के बीचा में जोड़ नियर बा एही पहाड़ी इलाका के बिस्तार हवे।
उत्तर अमेरिका के सभसे ऊँच परबत चोटी माउंट मैकिनले हवे जे अलास्का श्रेणी में बा। एकरे अलावा उत्तर से दक्खिन के क्रम में माउंट लोगान, माउंट वाडिंगटन; कास्केड रेंज में माउंट रेनियर, शास्ता आ हुड चोटी; कोस्ट रेंज में माउंट व्हिटनी वगैरह गिनावल जा सके लें।
ग्रेट प्लेन्स
[संपादन करीं]
बिसाल मैदान। ई राकी परबत के पुरुब में, एह महादीप के बीचोबीच बा। उत्तर में मैकेंजी नदी के डेल्टा से ले के दक्खिन में टैक्सास ले एकर बिस्तार बा। एही में मिसिसिपी आ मिसौरी नदी सभ के थाला बा जे उपजाऊँ भूमि हवे इहाँ खेती के बिकास माटी के उपजाऊँ होखे के कारण भइल बा।
कनाडाई शील्ड
[संपादन करीं]पुराना थलभाग हवे। प्राचीन काल के बनल चट्टान सभ के ई हिस्सा बर्फानी जुग (आइस एज) के ग्लेशियर सभ से बनल थलरूप सभ से पटाइल परल बा। बहुत सारा झील एह इलाका के बिसेसता ह। इहाँ के चट्टान प्री कैंब्रियन समय के हवें आ एही कारण ई इलाका कई किसिम के खनिज पदार्थ से भरपूर हवे। एकरा के लौरेशियन शील्ड भी कहल जाला। पाँच गो बिसाल झील सभ के ग्रेट लेक्स के नाँव से जानल जाला। इनहन में से सुपीरियर झील दुनिया के सभसे बड़ मीठा पानी के झील भी हवे। अउरी बाकी झील सब में मिशीगन, ह्यूरन, ईरी आ ओंटारियो झील बाड़ी सऽ।
पुरबी प्रदेश
[संपादन करीं]अटलांटिक किनारा के सहारे बिस्तार लिहले बा। अप्लेशियन पहाड़ आ पठार एकर प्रमुख चीज हवें। अप्लेशियन के सहारे पीडमांट पठार बा।
कैरीबियन क्षेत्र
[संपादन करीं]सात हजार से बेसी दीप सभ के हिस्सा हवे।
राजनीतिक बिभाजन
[संपादन करीं]| झंडा | Country or territory[3][4][5] | रकबा (km2)[6] |
जनसंख्या (2016 अनु.)[7] |
जनसंख्या घनत्व (प्रति किमी2) |
राजधानी |
|---|---|---|---|---|---|
|
एंगुइला (यूनाइटेड किंगडम) | 91 | 14,764 | 164.8 | दि वैली |
|
एंटीगुआ एंड बारबूडा | 442 | 100,963 | 199.1 | St. John's |
|
अरुबा (नीदरलैंड)[नोट 2] | 180 | 104,822 | 594.4 | ओरांजेस्टेड |
|
दि बहामास[नोट 3] | 13,943 | 391,232 | 24.5 | नसाऊ |
|
बारबाडोस | 430 | 284,996 | 595.3 | ब्रिजटाउन |
|
बेलीज | 22,966 | 366,954 | 13.4 | बेल्मोपान |
|
बरमूडा (यूनाइटेड किंगडम) | 54 | 61,666 | 1203.7 | हैमिल्टन |
|
बोनायर (नीदरलैंड)[नोट 2] | 294 | 12,093[8] | 41.1 | Kralendijk |
|
ब्रिटिश वर्जिन आइलैंड्स (यूनाइटेड किंगडम) | 151 | 30,661 | 152.3 | रोड टाउन |
|
कनाडा | 9,984,670 | 36,289,822 | 3.4 | ओटावा |
|
कीमन आइलैंड (यूनाइटेड किंगडम) | 264 | 60,765 | 212.1 | जार्जटाउन |
|
क्लिपार्टन दीप (फ्रांस) | 6 | 0 | 0.0 | — |
|
कोस्टा रिका | 51,100 | 4,857,274 | 89.6 | सैन जोसे |
|
क्यूबा | 109,886 | 11,475,982 | 102.0 | हवाना |
|
कुरासाओ (नीदरलैंड)[नोट 2] | 444 | 159,371 | 317.1 | विलेमस्टैड |
|
डोमिनिका | 751 | 73,543 | 89.2 | रोसिऊ |
|
डोमिनिकन रिपब्लिक | 48,671 | 10,648,791 | 207.3 | सैंटो डोमिंगो |
|
एल सल्वाडोर | 21,041 | 6,344,722 | 293.0 | सैन सल्वाडोर |
|
Federal Dependencies of Venezuela (Venezuela) | 342 | Gran Roque | ||
|
ग्रीनलैंड (डेनमार्क) | 2,166,086 | 56,412 | 0.026 | नूक |
|
ग्रेनाडा | 344 | 107,317 | 302.3 | सेंट जॉर्जेज |
|
|
गुआडेलोप (फ्रांस) | 1,628 | 449,975 | 246.7 | बासे-टेरे |
|
गुआटेमाला | 108,889 | 16,582,469 | 128.8 | गुआटेमाला शहर |
|
हैती | 27,750 | 10,847,334 | 361.5 | पोर्ट-ऑ-प्रिंस |
|
होंडुरास | 112,492 | 9,112,867 | 66.4 | तेगुसियागाल्पा |
|
जमैका | 10,991 | 2,881,355 | 247.4 | किंग्सटन |
|
|
मार्टिनीक (फ्रांस) | 1,128 | 385,103 | 352.6 | फोर्ट-डी-फ्रांस |
|
मैक्सिको | 1,964,375 | 127,540,423 | 57.1 | मैक्सिको सिटी |
|
Montserrat (यूनाइटेड किंगडम) | 102 | 5,152 | 58.8 | प्लेमाउथ (Brades)[नोट 4] |
|
नवासा दीप (यूनाइटेड स्टेट्स) | 5[9] | 0[10] | 0.0 | |
|
निकारागुआ | 130,373 | 6,149,928 | 44.1 | मानागुआ |
|
नुएव एस्पार्ता (वेनेजुएला) | 1,151 | ला आसूंसियों | ||
|
पनामा[नोट 2][नोट 5] | 75,417 | 4,034,119 | 45.8 | पनामा शहर |
|
प्यूर्टो रिको (यूनाइटेड स्टेट्स) | 8,870 | 3,667,903 | 448.9 | सैन जुआन |
|
साबा (नीदरलैंड) | 13 | 1,537[8] | 118.2 | दि बॉटम |
|
सैन एंड्रीज एंड प्रोविडेंसिया (कोलंबिया) | 53 | 77,701[8] | 1468.59 | सैन एंड्रीज |
|
|
सेंट बार्थेलेमी (फ्रांस) | 21[9] | 7,448[10] | 354.7 | गुस्ताविया |
|
सेंट किट्स एंड नेविस | 261 | 54,821 | 199.2 | बासेतेरे |
|
सेंट लूसिया | 539 | 178,015 | 319.1 | कास्ट्रीज |
|
|
सेंट मार्टिन (फ्रांस) | 54[9] | 29,820[10] | 552.2 | मैरीगाट |
|
|
सेंट पियरे एंड मिकेलन (फ्रांस) | 242 | 6,305 | 24.8 | सेंट पियरे |
|
सेंट विंसेंट एंड ग्रेनाडाइंस | 389 | 109,643 | 280.2 | किंग्सटाउन |
|
सिंट यूस्टाटियस (नीदरलैंड) | 21 | 2,739[8] | 130.4 | ओरांजेस्टेड |
|
सिंट मार्टेन (नीदरलैंड) | 34 | 39,537 | 1176.7 | फिलिप्सबर्ग |
|
ट्रिनिडाड एंड टोबैगो[नोट 2] | 5,130 | 1,364,962 | 261.0 | पोर्ट ऑफ़ स्पेन |
|
तुर्क्स एंड काइकोस दीप (यूनाइटेड किंगडम)[नोट 6] | 948 | 34,900 | 34.8 | कोकबर्न टाउन |
|
|
यूनाइटेड स्टेट्स[नोट 7] | 9,629,091 | 322,179,605 | 32.7 | वाशिंगटन, डीसी |
|
यूनाइटेड स्टेट्स वर्जिन दीप (यूनाइटेड स्टेट्स) | 347 | 104,913 | 317.0 | चारलोट अमालिए |
| Total | 24,500,995 | 541,720,440 | 22.9 | ||
जलवायु
[संपादन करीं]
उत्तर अमेरिका एगो बिसाल महादीप हवे आ इहाँ दुनियाँ के लगभग हर किसिम के जलवायु पावल जाले। एहिजा उत्तर में टुंड्रा टाइप के जलवायु पावल जाला जबकि सुदूर दक्खिन में भूमध्य रेखीय जलवायु भी पावल जाले। पच्छिमी हिस्सा में कई गो रेगिस्तान बहुते सूखा इलाका हवें जबकि कई हिस्सा अइसन बाड़ें जहाँ सालोभर बरखा होखे ले। मानसूनी जलवायु के भी क्षेत्र एह महादीप में पावल जाला।
हाइड्रोलॉजी आ सतही बहाव
[संपादन करीं]उत्तर अमेरिका महादीप में औसतन 76 सेमी/साल बरखा होखे ले, एकरे द्वारा कुल लगभग18 पेटालीटर पानी उपराजे ला।[11]
नदी सिस्टम
[संपादन करीं]उत्तर अमेरिका के प्रमुख नदी सिस्टम सभ नीचे लिखल गइल बा:
- आर्कटिक महासागर में गिरे वाली
- अटलांटिक महासागर में गिरे वाली
- प्रशांत महासागर में गिरे वाली
- ग्रेट बेसिन के भितरें बहे वाली
कुछ तथ्य
[संपादन करीं]- सभसे ऊँच चोटी: मांउट मैकिनले (6194 मी), अलास्का रेंज में; जबकि राकी परबत के सभसे ऊँच चोटी माउंट एल्बर्ट (4378 मी) हवे।
- सभसे लमहर नदी : मिसिसिपी-मिसौरी
नोट
[संपादन करीं]- ↑ कार्डिलेरा मने परबत सभ के समूह होला। ई परबत सभ जे कार्डिलेरा के हिस्सा होखें कई श्रेणी के रूप में एक साथे हो सके लें। अमेरिकन कार्डिलेरा में उत्तरी आ दक्खिनी अमेरिका के पच्छिमी किनारे पर मौजूद सगरी परबत श्रेणी सभ के शामिल कइल जाला।
- ↑ 2.0 2.1 2.2 2.3 2.4 Depending on definitions, Aruba, Bonaire, Curaçao, Panama, and Trinidad and Tobago have territory in either or both of North and South America.
- ↑ Since the Lucayan Archipelago is located in the Atlantic Ocean rather than Caribbean Sea, the The Bahamas are part of the West Indies but are not technically part of the Caribbean, although the United Nations groups them with the Caribbean.
- ↑ Because of ongoing activity of the Soufriere Hills volcano beginning in July 1995, much of Plymouth was destroyed and government offices were relocated to Brades. Plymouth remains the de jure capital.
- ↑ Panama is generally considered a North American country, though some authorities divide it at the Panama Canal. Figures listed here are for the entire country.
- ↑ Since the Lucayan Archipelago is located in the Atlantic Ocean rather than Caribbean Sea, the Turks and Caicos Islands are part of the West Indies but are not technically part of the Caribbean, although the United Nations groups them with the Caribbean.
- ↑ Includes the states of Hawaii and Alaska which are both separated from the US mainland, with Hawaii is distant from the North American landmass in the Pacific Ocean and therefore more commonly associated with the other territories of Oceania while Alaska is located between Asia (Russia) and Canada.
संदर्भ
[संपादन करीं]- ↑ "North America Land Forms and Statistics". World Atlas.com. Retrieved 16 जून 2013.
- ↑ Society, National Geographic. "North America: Physical Geography". nationalgeographic.org. Retrieved 31 दिसंबर 2018.
- ↑ "SPP Background". CommerceConnect.gov. Security and Prosperity Partnership of North America. Archived from the original on 18 June 2008. Retrieved 14 नवंबर 2010.
- ↑ "Ecoregions of North America". यूनाइटेड स्टेट्स एनवायरनमेंटल प्रोटेक्शन एजेंसी. Retrieved 30 मई 2011.
- ↑ "What's the difference between North, Latin, Central, Middle, South, Spanish and Anglo America?". About.com.
- ↑ Unless otherwise noted, land area figures are taken from "Demographic Yearbook—Table 3: Population by sex, rate of population increase, surface area and density" (PDF). United Nations Statistics Division. 2008. Retrieved 14 अक्टूबर 2010.
{{cite journal}}: Cite journal requires|journal=(help) - ↑ "World Population Prospects: The 2017 Revision". ESA.UN.org (custom data acquired via website). United Nations Department of Economic and Social Affairs, Population Division. Retrieved 10 September 2017.
- ↑ 8.0 8.1 8.2 8.3 Population estimates are taken from the Central Bureau of Statistics Netherlands Antilles. "Statistical information: Population". Government of the Netherlands Antilles. Archived from the original on 1 May 2010. Retrieved 14 अक्टूबर 2010.
- ↑ 9.0 9.1 9.2 Land area figures taken from "The World Factbook: 2010 edition". Government of the United States, Central Intelligence Agency. Retrieved 14 अक्टूबर 2010.
- ↑ 10.0 10.1 10.2 These population estimates are for 2010, and are taken from "The World Factbook: 2010 edition". Government of the United States, Central Intelligence Agency. Retrieved 14 अक्टूबर 2010.
- ↑ North America water resources.