विकिपीडिया:हप्ता के फोटो सुरक्षित/2020

सिपाही बुलबुल भारतीय उपमहादीप में पावल जाए वाली बुलबुल सभ के एगो प्रजाति हवे। एकरा के भारत में पोसुआ बना के रखल जाला। अउरी उष्णकटिबंधी इलाका सभ में एकरा के मनुष्यन द्वारा ले जाइल गइल बा जहाँ ई प्राकृतिक आवास बना लिहले बाटे। एकर कुल 9 गो उपप्रजाति सभ चिन्हित कइल गइल बाड़ीं सऽ। Shiva shankar हाल में देखावल गइल:

यूरी गगारिन (9 मार्च 1934 – 27 मार्च 1968) सोवियत एयर फोर्स के पायलट आ अंतरिक्षयात्री रहलें जे बाहरी अंतरिक्ष में जात्रा करे वाला पहिला ब्यक्ति बनलें; इनके अंतरिक्ष कैप्सूल जेकर नाँव वोस्टोक-1 रहल जे 12 अप्रैल 1961 के पृथ्वी के चारों ओर आपन पहिला चक्कर पूरा कइलस। गगारिन अपना एह उपलब्धी के चलते अंतर्राष्ट्रीय सेलिब्रिटी बन गइलें आ उनके "हीरो ऑफ़ दि सोवियत यूनियन" के अवार्ड दिहल गइल। 1967 में ई सोयुज-1 के बैकप दल के हिस्सा रहलें आ ई यान के दुर्घटना भ गइल जेकरा चलते सोवियत रूस के प्रशासक लोग इनके अंतरिक्ष जात्रा पर जाए से रोक दिहल जवना से कि अइसन जानल-मानल ब्यक्ति के कौनों दुर्घटना में मौत न हो जाय। हालाँकि, अगिला साल एगो मिग-15 हवाई जहाज के उड़ान के दौरान इनकर निधन भ गइल। गगारिन के ई फोटो जुलाई 1961 में एगो कांफ्रेंस में लिहल गइल रहे जब ऊ फिनलैंड के दौरा पर रहलें, अपने अंतरिक्ष जात्रा के लगभग तीन महीना बाद। फोटो: आर्तो जॉउसी; एडम कुएर्डेन द्वारा सुधारल गइल। हाल में देखावल गइल:

यलोस्टोन नेशनल पार्क अमेरिका में एगो नेशनल पार्क बाटे जे मुख्य रूप से वूमिंग राज्य में स्थित बा जबकि एकर कुछ हिस्सा मोंटाना आ इडाहो राज्यन में पड़े ला। एकर अस्थापना अमेरिकी कांग्रेस द्वारा भइल रहे आ राष्टपति उलिसस ग्रांट 1 मार्च 1872 के एकरे खाती बनल कानून पर दसखत कइलेन। यलोस्टोन नेशनल पार्क अमेरिका के पहिला नेशनल पार्क हवे आ बहुत लोग एकरा के दुनिया के पहिला नेशनल पार्को माने ला। मुख्य रूप से ई इहाँ पावल जाए वाला जंगली जिया-जंतु खाती आ एह इलाका में मिले वाला भूमितापीय चीजन खाती जानल जाला जिनाहना में सभसे परसिद्ध ओल्ड फेथफुल गीजर बाटे। एह पार्क में कई किसिम के इकोसिस्टम मिले लें हालाँकि सभसे बेसी उपअल्पाइन बन वाला इलाका बाटे। ई पार्क दक्खिनी मध्य राकी पर्वत बन इकोक्षेत्र में पड़े ला। 1978 में यूनेस्को एकरा के बिस्व धरोहर स्थल के दर्जा दिहलस। देखावल गइल फोटो एक किसिम के पैनोरमिक नक्शा हवे जेकरा के 1991 में ऑस्ट्रिया के पेंटर आ कार्टोग्राफर हेनरिक सी. बेरान द्वारा बनावल गइल। नक्शा: हेनरिक सी. बेरान हाल में देखावल गइल:

नीला पिट्टा (Hydrornis cyaneus) एगो चिरई हवे जे पासराइन सभ के पिट्टा परिवार में आवे ले। ई उष्णकटिबंधी दक्खिन-पुरुब एशिया के मूल निवासी हवे आ मुख्य रूप से नम जंगल सभ में निवास करे ले। भारत में ई पूर्वोत्तर भारत के कुछ इलाका सभ में पावल जाले। ई फोटो खाओ याई नेशनल पार्क, थाइलैंड में लिहल गइल बाटे। फोटो: जॉन हैरिसन हाल में देखावल गइल:

सेंट ग्रेगरी दि इलुमिनेटर कैथेड्रल, येरेवन संसार के सभसे बड़ आर्मीनीयाई एपोस्टली चर्च हवे। ई येरेवन में बाटे आ एकर निर्माण 1997 में शुरू भइल आ 23 सितंबर 2001 के, आर्मेनिया के ईसाई देश घोषित होखे के 1,700वाँ बरसी पर, इहाँ धार्मिक कामकाज शुरू भइल। बिल्डिंग में कुल तीन गो चर्च बाड़ें जेह में से मुख्य चर्च में 1,700 लोग बइठ सके ला आ दुनों साइड वालन में 150 सीटन के बेवस्था बाटे। दुनों साइड वाला चर्च के नाँव ओह राजपरिवार के लोगन के नाँव पर रखल गइल हवे जे लोग संत ग्रेगरी के मदद कइल आ आर्मेनिया के ईसाई देश घोषित कइल गइल। फोटो: Marcin Konsek हाल में देखावल गइल:

एंबर माउंटेन रॉक थ्रश पुरानी फ्लाइकैचर परिवार म्यूसिकापिडाइ के सदस्य चिरई हवे जे मैडागास्कर के एंबर माउंटेन पर पावल जाले। ई खुला जंगल सभ में रहे ले आ जमीन पर किरौना बीने ले। एकरा के जंगली रॉक थ्रश के बंसज भी मानल जाला आ कुछ लोग अलगा से प्रजाति भी माने ला। ई आइयूसीएन के संकटग्रस्त प्रजाति सभ के सूची में सामिल बाटे। फोटो: Charles J. Sharp हाल में देखावल गइल:

ध्रुवीय भालू (Ursus maritimus) एक किसिम के अतिमांसाहारी भालू हवे जे आर्कटिक इलाका के निवासी हवे। ई मुख्य रूप से समुंद्री सील सभ के शिकार करे लें। समुंदर में उतिरात बरफ के टुकड़ा पर ई दूर-दूर ले जा सके लें, बहुते मजबूत पँवराक होखे लें। फोटो में एगो अइसन ध्रुवीय भालू देखावल गइल बा जे खाना के कमी के चलते बहुत कमजोर भ गइल बाटे। ई फोटो नार्वे के स्वालबार्ड इलाका से लिहल गइल बा। एह भालू सभ पर सभसे बड़ खतरा इनहन के निवास अस्थान के पर्यावरण के बिनास बा जेकरा चलते इनहन पर संकट आ गइल बा। अइसन बिनास बैस्विक गरमाव के चलते मानल जा रहल बाटे। फोटो: Andreas Weith हाल में देखावल गइल:

जॉर्ज वाशिंगटन अमेरिका के पहिला राष्ट्रपति रहलें। इनके कार्यकाल 30 अप्रैल 1789 के शुरू भइल आ एक कार्यकाल खतम होखे के बाद इनका के दुसरा बेर एकमत हो के चुन लिहल गइल। एकरे बाद ई खुद एह पद से रिटायर हो गइलेन आ इनके बाद जॉन एडम्स राष्ट्रपति बनलें। देखावल गइल फोटो 25 गो पोर्ट्रेट सभ के सीरीज के हिस्सा हवे। एह सीरीज में अमेरिका के सुरु के 120 साल में भइल राष्ट्रपति लोगन के तस्वीर ब्यूरो ऑफ़ एन्ग्रेविंग एंड प्रिंटिंग द्वारा बनावल गइल रहल। ब्यूरो ऑफ़ एन्ग्रेविंग एंड प्रिंटिंग हाल में देखावल गइल:

वाट फ्रा किउ, जेकरा के अंग्रेजी में टेम्पल ऑफ एमराल्ड बुद्धा के नाँव से जानल जाला, थाइलैंड के सभसे पबित्र बौद्ध मंदिर मानल जाला। एह मंदिर के संकुल में कई गो भवन बाने आ ई बैंकाक के इतिहासी ग्रैंड पैलेस के लगे बा। एह में बुद्ध के पन्ना मूर्ती बाटे। देखावल जा रहल फोटो ग्रैंड पैलेस के बाहरी दुआर पर से लिहल गइल बाटे जेह में मंदिर के भवन आ अउरी बिल्डिंग सभ लउकत बा। बीचा में मुख्य स्तूप बाटे आ दाहिने ओर मुख्य बिल्डिंग बा जे उबोसोत कहाला, जेकर निर्माण 1783 में सुरू भइल रहे। फोटो: Ninaras; संपादन TSP के द्वारा। हाल में देखावल गइल:

दक्खिनी मैदानी मटियाहूँ लंगूर (Semnopithecus dussumieri) पुरानी दुनिया के बानर सभ में से एक हवे जे भारतीय उपमहादीप के मूल निवासी हवे। ई 62 सेमी (2 फीट) लमहर बानर सभ झुंड में रहे लें आ जंगल आ देहाती आबादी के नगीचे वाला इलाका में रहे लें। इनहन के मुख्य भोजन पेड़ पौधा सभ के पतई, फल आ फूल होलें। भारत में एह बानर सभ के पबित्र मानल जाला। इनहन के बहुत सारा झुंड आदमी सब के आबादी के नगीचे रहे आ आदमिन द्वारा दिहल कई किसिम के खाए वाला चीज खाए में अपना के एडजस्ट क लिहले बाड़ें। एह प्रजाति के भारत में कानूनी रूप से संरक्षण बाटे हालाँकि, फसल के नोकसान चहुँपावे के कारन इनहन के मार के भगावे या फिर मारे के घटना भी देखे के मिले ला आ इनहन के कुछ जगह पोसुआ बनावे के घटना भी देखल जाला। फोटो भारत के मध्य प्रदेश में कान्हा टाइगर रिजर्व में लिहल गइल रहल। पार्क के निर्माण 1 जून 1955 के भइल रहल आ एकरा के 1973 में टाइगर रिजर्व के दर्जा दिहल गइल। फोटो: Charles J. Sharp द्वारा हाल में देखावल गइल:

भुअरा पेलिकन (Pelecanus occidentalis) चिरई सभ के पेलिकन परिवार के एगो चिरई हवे। ई अमेरिकी महादीपन में पावल जाए वाली तीन गो पेलिकन प्रजाति सभ में से एक हवे आ अइसन दू गो प्राजाति सभ में से हवे जे पानी में बुड़की मार के शिकार पकड़े लीं। ई फोटो एगो बच्चा भुअरा पेलिकन के उड़ान देखावत बा जे कैलिफोर्निया के प्रशांत महासागरी किनारा पर लिहल गइल रहे। फोटो: Frank Schulenburg हाल में देखावल गइल:

भूअर कानवाली बुलबुल (Hypsipetes amaurotis) एक किसिम के बुलबुल चिरई हवे जे माझिल साइज के होखे ले आ ई पुरबी एशिया के मूल निवासी चिरई हवे। एकर लंबाई लगभग 28 सेमी (11 इंच) तक ले हो सके ले, ई मटियाहूँ-भूअर रंग के होले आ एकरे कान के लगे भूअर रंग के चकत्ती होला, छोटहन नोकीला मुकुट होला आ लमहर पोंछ होले। ई जंगल के चिरई हवे जे घन पेड़ सभ के बीचा में रहे ले, हलाँकि, बागान, पार्क आ बगइचा सभ में भी देखल जा सके ले। गर्मी के एकर मुख्य भोजन छोट किरौना होलें जबकि जाड़ा में ई मुख्य रूप से फल आ दाना खा के रहे ले। ई फोटो जापान के होंशू प्रांत में लिहल गइल रहे। फोटो: Laitche हाल में देखावल गइल:

अमेरिका (यूनाइटेड स्टेट्स ऑफ़ अमेरिका) के वर्जीनिया राज्य के इतिहासी निशान। वर्जीनिया राज्य 25 जून 1788 में अमेरिकी संघ में शामिल भइल रहल आ ई शामिल होखे वाला दसवाँ राज्य रहल। चित्र में रोमन देवी वर्च्यूस (Virtus) के अत्याचार पर जीत देखावल गइल बा। इलस्ट्रेशन निर्माता: Henry Mitchell; फोटो रीस्टोरकर्ता: Andrew Shiva हाल में देखावल गइल: