बिहारी भाषा
| बिहारी | |
|---|---|
| भूगोलीय बिस्तार | भारत आ नेपाल |
| भाषा बर्गीकरण | इंडो-यूरोपियन
|
| उपबिभाजन | |
| ISO 639-1 | bh |
| ISO 639-2 / 5 | bih |
| Glottolog | biha1245[1] |
बिहारी भाषा भारतीय राज्य बिहार आ एकरे लघ ओंघ के राज्यन में आ सटल नेपाल में बोलल जाए वाली पुरबी इंडिक भाषावन सभ के समूह हऽ। एह भाषा सभ में भोजपुरी, मगही, मैथिली आ अंगिका मुख्य भाषा बाड़ी स। प्रमुख रूप से भारत के ई भाषा सभ के बोले बालन के संख्या नेपालो में 21% से भी अनघा बा।
हालाँकि, एह भाषा सभ के बोले वालन के संख्या बहुते ढेर बा, तबो प मैथिली के अलावा भारत में इनहन के संबैधानिक रुप से भाषा के दर्जा नइखे आ इनहन के हिंदी के बोली के रूप में मानल जाला। मैथिली के 2003 में संविधान के 92वें संशोधन में संबैधानिक दर्जा मिलल। अहिजा तक कि बिहारे में, पढ़ाई-लिखाई आ कार्यालयी क्षेत्र में हिंदी भाषा इस्तमाल होखे ला। इ भाषावन के 1961 में कानूनी रुप से हिंदी के ब्यापक छत्रछाया में बोली मान लिहल गइल। इ तरिक से राज्य आ राष्ट्रिय राजनीति अइसन भाषावन के लोप होवे के अवस्था बना रहल बा लोग।[2]
नालंदा खुला विश्वविद्यालय बिहारी भाषावन (मगही, भोजपुरी, मैथिली) में कई तरह के कोर्स उपलब्ध करवले बा।[3] आजादी के बाद हिंदी भाषा के बिहार के एकमात्र अधिकारिक भाषा के तौर पर बिहार अधिकारिक भाषा एक्ट, 1950 में जगह दिहल गइल।[4] 1981 में हिंदी एकही अधिकारिक भाषा के दर्जा से हट गइल आ एकरे संघे संघे उर्दू के दूसर अधिकारिक भाषा के दर्जा दिहल गइल। हिंदी आ उर्दू के एह लड़ाई में बहुत अधिक संख्या में बोले जाये वाल भाषावन मगही, भोजपुरी आ मैथिली के अनदेखा कर दिहल गइल।
समूह में शामिल भाषा कुल
[संपादन करीं]| भाषा कुल[5] | ISO 639-3 | लिखाई | बोले वाला लोग | भूगोलीय बिस्तार |
|---|---|---|---|---|
| अंगिका | anp | पहिले अंग लिखाई; देवनागरी | 725,000 | पुरबी बिहार, उत्तरी-पुरबी झारखंड, पच्छिम बंगाल |
| बज्जिका | — | देवनागरी | 8,738,000 | उत्तरी-बिचला बिहार पुरबी तराई |
| भोजपुरी | bho | पहिले कैथी; देवनागरी | 38,546,000 | पच्छिमी बिहार, पुरबी उत्तर प्रदेश आ मध्य तराई, दक्खिनी नेपाल |
| फिजी हिंदी | hif | लैटिन आ देवनागरी | 460,000 | फिजी दीपसमूह |
| कुरमाली | kyw | देवनागरी, चिस (संभावित बतावल जाले) | 37,000 | पुरबी झारखंड, पच्छिम बंगाल |
| मगही | mag | पहिले कैथी; देवनागरी | 20,362,000 | दक्खिनी-पच्छिमी बिहार |
| मैथिली | mai | मिथिलाक्षर (पुरबी नागरी लिखाई रूप), देवनागरी | 25,204,005 | उत्तर बिहार, झारखंड, मधेस, नेपाल में ऑफिशियल दर्जा |
| माँझी | mjz | N.A | 21,841 | पुरबी बिहार, नेपाल |
| मुससा | smm | N.A | 50,000 | पुरबी बिहार, नेपाल |
| पँचपरगनिया | tdb | देवनागरी, कबो-कबो बंगाली & कैथी | 274,000 | पच्छिम बंगाल झारखंड आसाम |
| सदरी | sck | देवनागरी | 165,683 | झारखंड बिहार आ बांग्लादेस |
| खोर्था भाषा | sdr | पुरबी नागरी लिखाई, देवनागरी | 1,965,000 | उत्तरी झारखंड |
| सरनामी हिन्दुस्तानी | hns | लैटिन, देवनागरी | 150,000 | सूरीनाम |
| सुरजपुरी | sjp | देवनागरी | 273,000 | उत्तरी-पुरबी बिहार |
संदर्भ
[संपादन करीं]- ↑ Hammarström, Harald; Forkel, Robert; Haspelmath, Martin, eds. (2017). "बिहारी". Glottolog 3.0. Jena, Germany: Max Planck Institute for the Science of Human History.
- ↑ Verma, Mahandra K. Language Endangerment and Indian languages : An exploration and a critique.
{{cite conference}}: Cite has empty unknown parameter:|coauthors=(help); Unknown parameter|booktitle=ignored (help) - ↑ Courses Archived 2023-08-18 at the Wayback Machine. नालंदा खुला विश्वविद्यालय. Retrieved on 2023-08-18.
- ↑ Brass Paul R., The Politics of India Since Independence, Cambridge University Press, pp. 183
- ↑ Bihari Languages
बाहरी कड़ी
[संपादन करीं] |
फिजी हिंदी में विकिपीडिया के संस्करण, एगो मुक्त ज्ञानकोश |
|
मैथिली में विकिपीडिया के संस्करण, एगो मुक्त ज्ञानकोश |
- A Comparative dictionary of the Bihārī language, Volume 1 By August Friedrich Rudolf Hoernle, Sir George Abraham Grierson (1885)
- Nalanda Open University offers courses on Bihari languages (Magahi, Bhojpuri, Maithili) Archived 2023-08-18 at the Wayback Machine