महान हिमालय

विकिपीडिया से
Jump to navigation Jump to search

महान हिमालय चाहे हिमाद्रि, हिमालय के पूरुब-पच्छिम बिस्तार वाली तीन गो समानांतर श्रेणी सभ में सभसे उत्तरी आ सभसे ऊँच परबत श्रेणी हवे।[1]पाकिस्तान से सुरू हो के भारत, नेपाल, भूटानसिक्किम होखत अरुणाचल प्रदेश ले बिस्तार लिहले बा आ उत्तर में तिब्बत के पठार के साथे-साथ चले लाl ई आर्च के आकृति में, पच्छिम में नंगा परबत के लगे सिंधु नदी के गॉर्ज से ले के पूरुब में नामचा बरवा में ब्रहमपुत्र नदी के गॉर्ज ले फइलल बा। एकर कुल लंबाई, पूरुब से पच्छिम के लगभग 2,500 किलोमीटर (1,600 मील) बाटे आ औसत ऊँचाई 6,100 मीटर (20,000 फीट) बाटे।[1]

दुनियाँ के सभसे ऊँच परबत चोटी माउंट एवरेस्ट एही महान हिमालय के हिस्सा हवे; एकरे अलावा कुछ अउरी प्रमुख चोटी सभ में कंचनजंघा, अन्नपूर्णा, ल्होत्सेनंगा परबत प्रमुख बाड़ीं। एह परबत श्रेणी के सभसे ऊपरी हिस्सा सालों भर बरफ से तोपाइल रहे ला आ बिस्व के कुछ बहुत बिसाल ग्लेशियर एह श्रेणी के हिस्सा हवें जइसे की गंगोत्री ग्लेशियरसतोपनाथ ग्लेशियर। एह ग्लेशियर सभ से कई गो सदाबाहिनी नदी निकलें लीं जबकि कई गो नदी अइसनो बाड़ीं जे हिमालय से पहिले के हईं आ एह बिसाल श्रेणी के काट के बहे लीं आ बहुते गहिरा गॉर्ज बनावे लीं।

महान हिमालय श्रेणी के दक्खिन में मौजूद, हिमालय के कुछ कम ऊँचाई वाली समानांतर श्रेणी मध्य हिमालय भा लघु हिमालय बा आ इनहन के बीचा में मेन सेंट्रल थ्रस्ट (एमसीटी-MCT) सीमा बनावे ला। एकरे उत्तर में, एकरे समानांतर चले वाली श्रेणी सभ के ट्रांस हिमालय कहल जाला आ महान हिमालय आ ट्रांस-हिमालय के बीचा में इंडस-त्सांगपो शटर ज़ोन (आइटीएसज़ेड-ITSZ) नाँव के भ्रंश पावल जाला। महान हिमालय के चौड़ाई पच्छिम में बेसी बाटे हालाँकि ई नेपाल में बहुत कम हो जाला आ मध्य हिमालय लगभग एकरा साथे जुड़ जाला। महान हिमालय के औसत चौड़ाई (उत्तर-दक्खिन के) लगभग 10-15 किमी. बतावल जाला आ ई प्री-कैंब्रियन आ सेनोजोइक चट्टानन से बनल हवे।[2]

राजनीतिक हिसाब से ई परबत श्रेणी पाकिस्तान, भारत, चीन (तिब्बत), नेपाल, आ भूटान देसन में पड़े ला।

महान हिमालय आ हिमाद्रि के अलावा एकरा के अंग्रेजी में ग्रेट हिमालय भा ग्रेटर हिमालय (Great Himalayas) चाहे हायर हिमालया (Higher Himalayas) कहल जाला।

इहो देखल जाय[संपादन करीं]

संदर्भ[संपादन करीं]

  1. 1.0 1.1 "Great Himalayas | mountain range, Asia | Britannica". www.britannica.com (in English). ब्रिटैनिका एन्साइक्लोपीडिया. Retrieved 26 मार्च 2022.{{cite web}}: CS1 maint: url-status (link)
  2. रॉय, ए. बी. (1 जनवरी 2014). "Indian Subcontinent" [भारतीय उपमहादीप]. Reference Module in Earth Systems and Environmental Sciences (in English): 285–296. doi:10.1016/B978-0-12-409548-9.09372-6. Retrieved 26 मार्च 2022.