अष्टिमी

विकिपीडिया से
Jump to navigation Jump to search

अष्टिमी (संस्कृत: अष्टमी) हिंदू पतरा (हिंदू कैलेंडर) में अठईं तिथी होला जे सत्तिमी के अगिला दिने आ नउमी के पहिले आवे ला। ईहो तिथी महीना में दू बेर आवे ले, अन्हार के पाख में आ अँजोर के पाख में।

ज्योतिषखगोलबिद्या के हिसाब से एह दिन चंद्रमासुरुज के बीचा में 90 आ 270 डिग्री के कोण बने ला आ चंद्रमा के कला देखल जाय तब एही दिन चंद्रमा ठीक आधा देखलाई पड़े ला। यूरोपीय खगोलिकी के हिसाब से देखल जाय तब अँजोर के अष्टिमी से अन्हार के अष्टिमी ले के चंद्रमा के गिब्बस मून कहल जाला (एह दौरान चनरमा के आधा से बेसी हिस्सा देखलाई पड़े ला) आ एकरे उल्टा अन्हार के अष्टिमी से अँजोर के अष्टिमी ले के चंद्रमा के क्रीसेंट मून कहल जाला।

हिंदू धर्म के कई गो तिहुआर अलग-अलग महीना सभ के अष्टिमी तिथि के पड़े लें। इनहन में श्रीकृष्ण के जनम के तिहुआर जन्माष्टिमी आ नवरातर में पड़े वाली दुर्गा अष्टिमी भा महा अष्टिमी सभसे प्रमुख बाड़ें।