साधारण भारतीय टोड
| साधारण भारतीय टोड | |
|---|---|
| |
बैज्ञानिक वर्गीकरण 
| |
| किंगडम: | एनिमेलिया (Animalia) |
| फाइलम: | कार्डेटा (Chordata) |
| क्लास: | Amphibia |
| ऑर्डर (Order): | Anura |
| परिवार: | Bufonidae |
| जाति (Genus): | Duttaphrynus |
| प्रजाति: | D. melanostictus |
| दूपद नाँव | |
| Duttaphrynus melanostictus (Schneider, 1799) | |
| अउरी दूसर नाँव | |
|
Bufo melanostictus | |
साधारण भारतीय टोड (अंग्रेजी: common Indian toad; बैज्ञा. नाँव: Duttaphrynus melanostictus, दत्ताफ्राइनस मेलानोस्टिकस) चाहे आम भारतीय टोड, जेकरा के एशियाई टोड भी कहल जाला दक्खिन एशिया के मूल निवासी टोड प्रजाति हवे। संभवतः ई एकगो से बेसी असली टोड प्रजाति सभ के जटिल समूह हवे जे दक्खिन एशिया आ दक्खिन पुरुब एशिया में पावल जालें।[1]
नाँव
[संपादन करीं]अंग्रेजी भासा में एकरा कई ठे नाँव बाड़ें: Asian common toad, Asian black-spined toad, Asian toad, black-spectacled toad, common Sunda toad, आ Javanese toad हालाँकि, एकरा के Asiatic toad आ Asian giant toad से अलगा बूझे के चाहीं जे दूसर प्रजाति के टोड मेघा हवें।
एह मेघा के बैज्ञानिको नाँव पहिले के समय में ब्यूफो मेलानोस्टिकस (Bufo melanostictus) रहल जेकरा के आधुनिक नामकरण के सिस्टम में Duttaphrynus melanostictus क दिहल गइल।
बंगाली में एकरा के कुनो बेंग कहल जाला।
भूगोलीय क्षेत्र बिस्तार
[संपादन करीं]ई सधारण भारतीय मेघा पाकिस्तान के उत्तरी इलाका से ले के नेपाल, भारत होखत, जेह में अंडमान निकोबार दीप समूह आ श्रीलंका नियर दीपीय देस सामिल बा, बांग्लादेस म्यांमार, थाईलैंड लाओस, वियतनाम, कंबोडिया, दक्खिन चीन, ताइवान, हांग कांग]] आ मकाऊ से मलेशिया, सिंगापुर, आ इंडोनेशिया देस के सुमात्रा, जावा, बोर्नियो, अनम्बास दीप, आ नाटुना दीप तक ले के इलाका में पावल जालें। एह मेघा सभ के समुंद्र तल से ले के 1,800 मी (5,900 फीट) के ऊँचाई के इलाका सभ में देखल गइल बा। ई मेघा सभ आमतौर पर डिस्टर्ब निचला मैदानी इलाका सभ में रहे लें, समुंद्र तीरे के ऊपरी बीच से ले के नद्दी के तीरे के इलाका सभ में आ मनुष्य द्वारा खेती-किसानी वाला इलाका सभ में पावल जालें। बहुत घन जंगल सभ में ई बहुधा ना पावल जालें।[1]
भूटान में इनहन के मिले के पुष्टी नइखे भइल। जबकि ई मैडागास्कर में मनुष्य द्वारा पहुँचावल प्रजाति हवें।[2] ऑस्ट्रेलिया में इनहन के अनचाहा प्रजाति मानल जाला।[3][4]
संदर्भ
[संपादन करीं]- ↑ 1.0 1.1 1.2 van Dijk, P. P.; et al. (2004). "Duttaphrynus melanostictus". खतरा में प्रजाति सभ के आइयूसीएन लाल सूची. 2004.
- ↑ R., Arnaud (2014-04-17). "Invasion de crapauds venimeux à Toamasina: une menace pour l'écosystème malgache". Midi Madagasikara.
- ↑ Sydney Morning Herald, March 28, 2015, ‘Northern Sydney faces Asian black-spined toad plague’.
- ↑ Page A, Kirkpatrick W, Massam M. 2008. Black–spined Toad (Bufo melanostictus) Risk Assessments for Australia; Department of Agriculture and Food: Western Australia. https://www.pestsmart.org.au/wp-content/uploads/2010/11/Black_spined_toad_DAFWA_220410.pdf[मुर्दा कड़ी]; retrieved 2017-10-25