राकस ताल
| राकस ताल | |
|---|---|
| राक्षस ताल | |
 उपग्रह से लिहल चित्र में बाएँ राकसताल आ दाहिने मानसरोवर; पाछे कैलाश परबत बा | |
 | |
| लोकेशन | तिब्बत |
| अक्षांस-देशांतर | 30°39′N 81°15′E / 30.65°N 81.25°Eनिर्देशांक: 30°39′N 81°15′E / 30.65°N 81.25°E |
राकस ताल भा राक्षस ताल हिमालय-पार क्षेत्र में, चीन के अधिकार वाला तिब्बत खुदशासित इलाका में एगो झील बा। ई झील परसिद्ध मानसरोवर के ठीक बाएँ (पच्छिम) ओर कुछे दूरी पर बा आ कैलाश परबत के दक्खिन में बा। कुछ जगह एह झील के सतलज नदी के उदगम बतावल जाला, हालाँकि, वर्तमान में ई एगो अइसन झील के रूप में बा जेकर पानी कहीं बहरें ना बहे ला आ ई खारा पानी के झील बन चुकल बा।[1] सतलज नदी एकरे उत्तरी-पच्छिमी माथ से कुछ आगे से निकले ले। हँऽ ई जरूर होला कि कबो मानसरोवर में पानी बेसी हो जाला तब ओभरफ्लो वाला पानी राकस ताल में आवे ला; एह दसा में इनहन के बिचा में बहे वाली नदी के गंगा छू हवे[2] हालाँकि जब मानसरोवर में पानी कम रहे ला ई नदी गायब रहे ले।[3]
वास्तव में देखल जाय तब मानसरोवर आ राकस ताल एक तरह से जोड़ुआ झील हईं आ इनहन के के आसपास के कुछ दूरी के इलाका से कई गो बड़हन नदी सभ के उदगम होला जेह में सिंधु, सतलज, घाघरा आ ब्रह्मपुत्र नियर बिसाल नदी बाड़ी स।
इहो देखल जाय
[संपादन करीं]संदर्भ
[संपादन करीं]- ↑ D. Raveendranathan (27 June 2017). Himalayas Melting and Peninsular India Wilting. Notion Press. pp. 236–. ISBN 978-1-947202-44-3.
- ↑ M.S. Mani (6 December 2012). Ecology and Biogeography in India. Springer Science & Business Media. pp. 36–. ISBN 978-94-010-2331-3.
- ↑ Veena Sharma (31 December 2004). Kailash Manasarovar: A Sacred Journey. Roli Books Private Limited. pp. 99–. ISBN 978-93-5194-021-0.
 | ई एशिया के अस्थान या भूगोल से संबंधित लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |