पर्यावरणी नीति

विकिपीडिया से

पर्यावरणी नीति, कौनों संस्था के द्वारा घोषित, ओह संस्था के पर्यावरण के बारे में सोच, बिचार, उद्देश्य वगैरह के जाहिर करे वाला चीज हवे,[1] आ ई एह बात के वक्तव्य होला कि संस्था के पर्यावरणी मुद्दा सभ पर का पोजीशन बा आ पर्यावरण के मामिला में ऊ कवना किसिम के नैतिक भाव रखत बा,[2] साथे-साथ पर्यावरण के सुरक्षा खातिर बनावल कानून आ रेगुलेशन सभ के ऊ संस्था कवना तरीका से पालन करी आ एकरे खातिर केतना तत्पर बाटे।

पर्यावरणी नीति के तहत जेवना मुद्दा सभ पर सरकार भा संस्था द्वारा आपन कमिटमेंट स्पष्ट कइल जाला उनहन में हवापानी प्रदूषण, कचड़ा मैनेजमेंट, इकोसिस्टम मैनेजमेंट, जीवबिबिधता के रखरखाव, आ प्राकृतिक संसाधन, जंगली जियाजंतु आ खतरा में प्रजाति सभ के संरक्षण सामिल बा।[3] ऊर्जा संबंधी रेगुलेशन, जहरीला पदार्थ संबंधी रेगुलेशन जेह में कीटनाशक वगैरह भी सामिल बा, आ कई प्रकार के उद्योगिक कचड़ा सभ के रेगुलेशन भी पर्यावरणी नीति के हिस्सा बाटे। एह नीति के निर्धारण एह दिशा में भी हो सके ला कि मानव क्रिया-कलाप से पर्यावरण आ प्राकृतिक संसाधन के कइसे बचावल जाय आ साथे-साथ एही नीति में पर्यावरण में होखे वाला बदलाव से मनुष्य पर पड़े वाला बुरा परभाव सभ के रोकथाम के भी सामिल कइल जाला।[4]

इहो देखल जाय[संपादन करीं]

बाहरी कड़ी[संपादन करीं]

संदर्भ[संपादन करीं]

  1. "What is environmental policy? definition and meaning". BusinessDictionary.com. Archived from the original on 2017-05-19. Retrieved 2017-05-23.
  2. An environmental policy is a statement about an organisation's environmental position and values.
  3. Eccleston, Charles H. (2010). Global Environmental Policy: Concepts, Principles, and Practice. ISBN 978-1439847664.
  4. McCormick, John (2001). Environmental Policy in the European Union. The European Series. Palgrave. p. 21.