गौरइया

विकिपीडिया से
सीधे इहाँ जाईं: नेविगेशन, खोजीं
गौरइया
Passer domesticus male (15).jpg
जर्मनी में एगो नर गौरइया
House Sparrow, England - May 09.jpg
इंग्लैंड में एगो मादा गौरइया
बैज्ञानिक बर्गीकरण e
किंगडम: एनिमेलिया
फाइलम: कॉर्डेटा
ऑर्डर: सौरिशिया
सबऑर्डर: थेरोपोडा
क्लास: एव्स
ऑर्डर: पासरिफ़ार्मेस
परिवार: पासरिडाई
जाति: पासर
प्रजाति: P. domesticus
बैज्ञानिक नाँव
Passer domesticus
(लिंनायस, 1758)
PasserDomesticusDistribution.png
       मूल निवास
       आदमी द्वारा चहुँपावल

गौरइया (अंगरेजी: House sparrow, बैज्ञानिक नाँव: Passer domesticus) चिरइन के पासरिडाइ के सभसे प्रमुख चिरई हवे आ दुनिया के ज्यादातर हिस्सा में पावल जाले। छोटी मुकी ई चिरई आमतौर पर 16 सेमी (0.52 फीट) लमहर आ 24–39.5 ग्रा (0.85–1.39 औंस) वजन वाली होले। मादा गौरइया आ बच्चा सभ के रंग पियाराहूँ भूअर आ सलेटी रंग के होला, जबकि नर गौरइया के देह पर ढेर चटकार करिया, सफेद आ भूअर चीन्हा होला आ कंठ में करिया चकत्ता होला। चिरई सभ के जाति पासर में कुल 25 प्रजाति आवे लीं जिनहन में से इहो हवे आ ई यूरोप के ज्यादातर हिस्सा, भूमध्यसागरीय इलाकाएशिया के अधिकांश इलाका सभ के मूल निवासी हवे। जान के भा अनजाने में, ई कई अउरी इलाका सभ में चहुँपावल गइल बा जिनहन में ऑस्ट्रेलिया के कुछ हिस्सा, अफिरकादुनो अमेरिका सामिल बाने; एह तरीका से ई दुनिया में सभसे ढेर क्षेत्र-बिस्तार वाली चिरई हवे।

मनुष्य के निवास स्थान से गौरइया के गहिरा जुड़ाव बा आ शहरी आ देहाती दुनो इलाका में ई पावल जाले। भले ई बहुत बिबिधता वाला अलग-अलग क्षेत्र सभ में पावल जात होखे, आमतौर पर अइसन घन जंगल, घास के मैदान आ रेगिस्तान सभ से दूरे रहे ले जहाँ कि मानव बस्ती न होखे। एकर मुख्य भोजन अनाज आ खर-कतवार सभ के बीया हवे हालाँकि, मोका मिले पर ई छोट किरौना आ अउरी कई तरह के चीज भी खा लेले। एकर शिकार करे वाला जीव सभ में बिलारि, बाज (हॉक), उरुआ आन कुछ मैमल सभ बाने।

गौरइया ढेर संख्या, हर जगह मिले के कारण आ मनुष्य के आबादी के साथे जुड़ाव के कारण एह चिरई के सांस्कृतिक महत्व बाटे। कहीं ई खेत खाए वाली चिरई के रूप में देखल जाले, कहीं पालतू के रूप में भी रखल जाले; कहीं एकरा के मार के खाइल जाला आ सेक्सुअल पावर आ कामुकता के साथे एकर संबंध बतावल जाला; कहीं ई बहुत आम चीज के चीन्हा मानल जाले आ कहीं अश्लील चीज (वलगर) के रूप में देखल जाले। भले ई बहुतायत में पावल जाले, कुछ इलाका सभ में एकर संख्या घटल बा। आइयूसीएन के लाल सूची में एकरा के एकदम कम चिंताजनक श्रेणी में रखल गइल बा।

इहो देखल जाय[संपादन]

संदर्भ[संपादन]