कियारा आडवानी

विकिपीडिया से
Jump to navigation Jump to search
कियारा आडवानी
Kiara Advani walked the ramp at the Lakme Fashion Week 2018 (07) (cropped).jpg
कियारा आडवानी
जनम आलिया आडवानी[1]
(1992-07-31) 31 जुलाई 1992 (उमिर 29)[2][3]
मुंबई, महाराष्ट्र, भारत
राष्ट्रीयता भारतीय
पेशा अभिनेत्री
सक्रियता साल 2014– अभीन ले

आलिया आडवानी (जनम: 31 जुलाइ 1992) जीनकरा कियारा आडवानी नांव से जानल जाला एगो भारतीय फिल्म अभिनेत्री हई जे बॉलीवुड मे काम करेली। हीनकर पहिलका फिलिम फुगली रहे जे 2014 मे आइल रहे। हीनकरा एम॰ एस॰ धोनी: द अनटॉल्ड स्टोरी फिलिम से सफलता मिलल चालू भईल। ई कबिर सिंह आ भरत अने नेनु (तेलुगु) जईसन फिल्मन मे काम कइले बाड़ी।

2018 मे आइल नेटफ्लिक्स के प्रोग्राम लस्ट स्टोरीज़ से इनकरा बहुते ख्याती भेंटाइल, आ एहिजे से इनकर कैरियर बदलल । ओकरा बाद ई तेलुगु फिल्म भरत अने नेनु (2018) आ कबिर सिंह लेखा फिलिम कइली।

जिनगी[संपादन करीं]

ई जगदीप आडवानी के धीया हई, जे एगो सींधी हिंदू बेआपारी हवन। हीनकर असल नांव आलिया आडवानी हऽ बाकिर फुगली के आवे से पहिले ई आपन नांव कियारा आडवानी धऽ लेली। ई कहली की सलमान खान के कहला पर ई आपन नांव बदल दिहली काहे कि इंडस्ट्री मे पहिले से आलिया भट्ट रही। 2019 मे एगो साक्षातकार मे ई कहली की कियारा नांव अंजाना अंजानी फिलिम मे प्रियंका चोपड़ा के किरदार के इहे नांव रहे जेके देखिके ई आपन नांव कियारा धइली।

कैरियर[संपादन करीं]

हिंदी आ तेलुगु फिल्मन से सुरुआत (2014-2018)[संपादन करीं]

2014 मे फुग्ली फिलिम से ई आपन कैरियर चालू कइली।[4] बॉलीवुड हँगामा के तरण आदर्श कहलें की "कियारा आडवानी तोहरा एकदम अंजान लागेली, आ उनका मे सुघरई आ काबिलियत के मिश्रण बा"।[5]

2018 मे कियारा आडवानी

2016 मे ई नीरज पांडे के भारतीय क्रिकट टीम के पूर्व कप्तान महेंद्र सिंह धोनी के जिनगी प बनावल फिल्म, एम॰ एस॰ धोनी: द अनटॉल्ड स्टोरी मे काम कइली।[6] एह फिलिम मे सुशांत सिंह राजपूत धोनी के किरदार कइले रहन आ ई उनकर मेहरारू शाक्षी रावत के किरदार कइली। ई 2016 मे सभ से बेसि कमाई करे वला फिल्मन मे से एगो रहे। 2017 मे ई अब्बास मस्तान के फिलिम मशीन मे काम कइली बाकिर ऊ फिलिम बॉक्सऑफिस प ना चलल।

2018 मे ई नेटफ्लिक्स के बनावल मेहरारू लोग के काम वासना प आधारित फिल्म लस्ट स्टोरीज़ काम कइली आ एहिजे से ओटीटी प्लेटफॉर्म प पर्दापण कइली।[7] एह मे करन जौहर के बनावल अंतिम खंड मे ई एगो नाया बियाहल मेहरारू के किरदार कइली जेकर मरद ओकरा काम सुख ना दे पावत रहे। तेलुगु मे इनकर पहिलका फिलिम भरत अने नेनु रहे, जेकरा मे एगो अइसन लइका के कथा रहे जे आंध्र प्रदेश के मुख्यमंत्री बनि जाता। 2018 मे ई हनी सिंह के गाना "उर्वशी" मे फीचर भइली।

2019 से अबही ले[संपादन करीं]

बोयापती श्रीनिवास के तेलुगु एक्शन फिल्म विनय विदेयी रमा, 2019 मे आइल इनकर पहिलका फिलिम रहे।[8]

संदर्भ[संपादन करीं]

  1. "Salman Khan renamed Fugly actress as Kiara Advani". India Today. 3 June 2014. पहुँचतिथी 7 August 2018.
  2. "Kiara Advani shares pic from birthday party but rumoured boyfriend Sidharth Malhotra already posted it yesterday". Hindustan Times (English में). 1 August 2020. पहुँचतिथी 19 October 2020.
  3. उद्धरण खराबी:Invalid <ref> tag; no text was provided for refs named toi
  4. Soumitra, Das (4 June 2014). "I have worked very hard for Fugly: Kiara Advani - Times of India". The Times of India. पहुँचतिथी 2 January 2020.
  5. Taran Adarsh (13 June 2014). "Movie Review: 'Fugly' (2014)". Bollywood Hungama. पहुँचतिथी 15 June 2014.
  6. PTI (28 September 2016). "Kiara Advani did screen test for role of MS Dhoni's girlfriend, wife". The Indian Express. पहुँचतिथी 2 January 2020.
  7. Bhadani, Priyanka (14 June 2018). "'Lust Stories': Laying bare Indian sexuality, one story at a time". The Week (English में). पहुँचतिथी 2 January 2020.
  8. "Ram Charan-Boyapati Srinu's upcoming film is slated for a Pongal release". The Times of India. 16 June 2018. पहुँचतिथी 7 August 2018.