सत्यमेव जयते

भारत के राज चीन्हा

सत्यमेव जयते (अरथ: "साँचे के जीत होला") प्राचीन भारतीय ग्रंथ मुंडक उपनिषद के एगो मंत्र हवे। भारत के आजादी मिलला के बाद एकरा के भारत गणराज्य के राष्ट्रीय मोटो बीछल गइल। एकरा के राजचीन्हा के ठीक नीचे लिखल जाला। भारत के राजचिह्न आ ई वाक्य दुनों भारतीय करेंसी (रुपिया) के पछिला ओर छपल होला। एकरे अलावा केंद्र सरकार के दस्तावेज आ महत्वपूर्ण सरकारी दस्तावेजन पर राष्ट्रीय चीन्हा के साथ छापल जाला। भारत के राजचीह्न सम्राट अशोक के बनवावल सारनाथ के अशोक स्तंभ के ऊपरी मुकुट के कॉपी हवे।

उत्पति

एह वाक्य के परसिद्ध उपनिषद मुंडक उपनिषद के मंत्र संख्या 3.1.6. से लिहल गइल बाटे। पूरा मंत्र नीचा दिहल बाटे:

देवनागरी लिपि में

सत्यमेव जयते नानृतं
सत्येन पन्था विततो देवयानः ।
येनाक्रमन्त्यृषयो ह्याप्तकामा
यत्र तत् सत्यस्य परमं निधानम् ॥6॥

रोमनाइजेशन

satyameva jayate nānṛtaṁ
satyena panthā vitato devayānaḥ
yenākramantyṛṣayo hyāptakāmā
yatra tat satyasya paramaṁ nidhānam

अंग्रेजी में

Truth alone triumphs; notfalsehood.
Through truth the divine path is spread out
by which the sages whose desires have been completely fulfilled, reach
where that supreme treasure of Truth resides.

पापुलर अर्थ आ चीन्हा

पापुलर शब्दावली:

• 'साँच बरमहल जीते ला'
• 'साँचे के जीत होले'
• 'साँच के जीत होला, झूठ के ना'

अंग्रेजी में

• 'The true prevails, not the untrue'
• 'Truth alone conquers, not untruth'
• 'Truth Alone Triumphs, not (na) that against Sacred law (ऋत)
• वैमये वेल्लम् (तमिल : வாய்மையே வெல்லும்)
• Pravda vítězí ("Truth prevails", a motto of the Hussite movement and the official motto of Czechoslovak/Czech presidents)

इस्तेमाल

एह नारा के प्रचार प्रसार मुख्य रूप से पंडित मदन मोहन मालवीय द्वारा कइल गइल आ उहे एकरा के राष्ट्रीय स्तर पर परसिद्ध कइलें जब ऊ 1918 में भारतीय राष्ट्रीय कांग्रेस के दुसरा बेर अध्यक्ष बनलें।

इहो देखल जाय

• यतो धर्मस्ततो जयः
• धर्मो रक्षति रक्षितः