भारत रत्न

भारत रत्न
Awarded by भारत सरकार
Country	भारत
Type	National Civilian
Ribbon
Obverse	पीपर के पतई नियर आकृति पर सुरुज के चित्र जेकरा नीचे देवनागरी में "भारत रत्न" लिखल होला
Reverse	भारत के राजचीन्हा आ "सत्यमेव जयते"
Statistics
Established	1954
First awarded	1954 सी॰ राजगोपालाचारी सर्वपल्ली राधाकृष्णन सी॰ वी॰ रमन
Last awarded	2015 मदन मोहन मालवीय (मउअतबाद) अटल बिहारी बाजपेई
Total awarded	48
Precedence
Next (lower)	पद्म विभूषण

भारत रत्न भारत गणतंत्र के सभसे बड़ नागरिक सम्मान बा जे भारत सरकार द्वारा "नृजाति, पेशा, पोजीशन भा लिंग के भेदभाव के" ओह बेकती लोग के दिहल जाला जे लोग बहुत ऊँच क्वालिटी के परफार्मेंस भा सेवा के पर्दर्शन कइले होखें। एह सम्मान के सुरुआत 1954 से भइल आ पहिली बेर ई तीन लोग के दिहल गइल: सी राजगोपालाचारी, सर्वपल्ली राधाकृष्णन आ सी वी रमन।

अबतक ले ई सम्मान कुल 48 लोगन के दिहल जा चुकल बा जेह में 12 लोग के ई मउअति के बाद दिहल गइल बा। सम्मान देवे के अनुशंसा भारत के परधानमंत्री द्वारा राष्ट्रपति के भेजल जाले आ एक साल में तीन लोग एकरा खाती नामांकित कइल जा सकत बा। पछिला बेर ई साल 2015 में पंडित मदन मोहन मालवीय आ अटल बिहारी बाजपेई के दिहल गइल।

एह सम्मान में एगो मेडल दिहल जाला जे पीपर के पतई के आकृति के होला आ राष्टपति के दसखत कइल एगो सनद दिहल जाले। एह में कवनों किसिम के धन ना दिहल जाला।