शारदा सिन्हा

शारदा सिन्हा
शारदा सिन्हा
जनम	(1952-10-01)1 अक्टूबर 1952 हुलास गाँव, सुपौल, बिहार, भारत
Died	5 अक्टूबर 2024(2024-10-05) (उमिर 72) नई दिल्ली, भारत
Other names	बिहार कोकिला
Occupation	लोक गायिका
Years active	1980–2024
Known for	भोजपुरी, मैथिली आ मगही लोकगीत

शारदा सिन्हा (1 अक्टूबर 1952 – 5 अक्टूबर 2024) एगो भारतीय लोक गायिका रहली। ऊ खास तौर पर भोजपुरी, मैथिली आ मगही भाषा में गावल लोकगीत खातिर जानल जात रहली। इनके आवाज बिहार आ पूर्वांचल में बहुत लोकप्रिय रहल आ छठ गीतन खातिर खास पहचान बन गइल रहे।

भारत सरकार इनके संगीत क्षेत्र में योगदान खातिर पद्मश्री आ पद्मभूषण से सम्मानित कइले रहल।

5 अक्टूबर 2024 के नई दिल्ली के एम्स अस्पताल में इनके निधन भइल।

जिनगी

शारदा सिन्हा के जनम 1 अक्टूबर 1952 के बिहार के सुपौल जिला के हुलास गाँव में भइल रहे। इनके पिता सुखदेव ठाकुर बिहार सरकार में शिक्षा विभाग में अधिकारी रहलें। बचपन से ही इनकर रुझान संगीत के ओर रहल।

इन्होंने आपन पढ़ाई पटना विश्वविद्यालय से पूरी कइली आ कला विषय में स्नातक डिग्री हासिल कइली।

बियाह के बाद भी ऊ संगीत से जुड़ल रहली आ आगे चलके समस्तीपुर में एगो कॉलेज में संगीत के शिक्षा देवे लगली।

गायकी कैरियर

शारदा सिन्हा 1980 के दशक में लोकगीत गायकी से प्रसिद्ध भइली। ऊ मैथिली, भोजपुरी आ मगही भाषा में पारंपरिक गीत गावे खातिर जानल जात रहली।

इनकर कई गो लोकप्रिय गीत बा जइसे: पिरितिया काहे ना लगवले, पटना से बैदा बोलाइ दऽ, पनिया के जहाज से पलटनिया बनि अइहऽ पिया।

हिंदी सिनेमा में भी इनकर योगदान रहल। फिल्म मैंने प्यार किया के गीत कहे तोसे सजना बहुत लोकप्रिय भइल। बाद में हम आपके हैं कौन में भी ऊ गाना गइली।

फिल्म गैंग्स ऑफ वासेपुर में इनकर गावल गीत तार बिजली से पतले हमारे पिया नया पीढ़ी में भी काफी लोकप्रिय भइल।

सम्मान

• पद्म श्री (1991)
• पद्म भूषण (2018)
• बिहार कोकिला (उपाधि)
• देवी अहिल्या सम्मान