माटी प्रदूषण

विकिपीडिया से
Jump to navigation Jump to search
माटी खनल आ गंदगी
माटी प्रदूषण के उदाहरन

माटी परदूषण (हिंदी: मृदा प्रदूषण) एक किसिम के जमीन क्षय हवे जवन माटी में मनुष्य द्वारा नोकसान देह पदार्थ छोड़े से भा कौनों अन्य तरीका से माटी के प्राकृतिक सिस्टम के खराब करे से होला। अधिकतर, ई उद्योग से निकले वाला कचड़ा आ गंदा पानी से, खेती में बहुत ढेर खाद आ कीटनाशक के इस्तमाल से आ शहरी कचड़ा के बिना शोधले फेंके से होला।

माटी में परदूषण भा कंटामिनेशन खातिर जिम्मेदार मुख्य पदार्थ सभ में पेट्रोलियम हाइड्रोकार्बन (पेट्रोलियम तेल से निकले वाला कार्बनिक पदार्थ, जइसे प्लास्टिक, पन्नी इत्यादि), कीटनाशक, आ भारी घातु के कण शामिल बाने।

माटी के क्वालिटी खराब होखे से मनुष्य के सेहत पर सीधा परभाव भी पड़े ला जब मनुष्य एह पदार्थन के सीधा सम्पर्क में आवे ला; माटी में मौजूद नोकसानदेह तत्व खेती के उपज में शामिल हो के सीधे मनुष्य के भोजन में पहुँच जालें; या माटी से नीचे सरवत के जमीन के भीतर मौजूद जलसोता में जा के जमीनी पानी के खराब क देलें। एकरे अलावा माटी में जहरीला पदार्थ सभ के मौजूद रहले से इलाका के इकोसिस्टम के सामान्य सेहत भी खराब तरीका से परभावित होले।

संदर्भ[संपादन]