मगहर

मगहर
मगहर
कसबा
	आमी नदी के घाट
	मगहर उत्तर प्रदेश में लोकेशन मगहर मगहर (India)
	Coordinates: 26°46′N 83°08′E / 26.76°N 83.13°Eनिर्देशांक: 26°46′N 83°08′E / 26.76°N 83.13°E
देश	भारत
राज्य	उत्तर प्रदेश
जिला	संत कबीर नगर
Elevation	68 m (223 ft)
Population (2011)
• Total	19,181
भाषा
• ऑफिशियल	हिंदी, उर्दू
• लोकल	भोजपुरी
Time zone	UTC+5:30 (IST)
Vehicle registration	UP-58
Website	up.gov.in

मगहर भारत के उत्तर प्रदेश राज्य के संत कबीर नगर जिला में एगो कस्बा आ नगर पंचायत बा।

15वीं सदी के रहस्यवादी कवी आ संत कबीर साहेब एहिजा ध्यान कइलन आ सतलोक गइलन आ उनका शरीर के जगह पर सुगंधित फूल मिलल। ऊ फूल उनकर हिंदू आ मुसलमान दुनु चेला लोग में बाँटल गइल। इहाँ हिंदू आ मुसलमान दू गो स्मारक बनवले बाड़े जवन 100 मीटर के दूरी पर बा आ ओहमें फूलन के आपन आपन हिस्सा रखले बाड़ें।^[1]^[2]

भूगोल

मगहर के अक्षांस-देशांतर में लोकेशन 26.76°N 83.13°E पर बाटे। प्रशासनिक हिसाब से ई उत्तर प्रदेश के बस्ती मंडल में, संत कबीर नगर जिला (पहिले खलीलाबाद) में जिला मुख्यालय खलीलाबाद से गोरखपुर रोड पर करीबन 9 किलोमीटर के दूरी पर बाटे।

भौतिक भूगोल के हिसाब से ई गंगा मैदान के हिस्सा सरजू-राप्ती दुआबा में राप्ती नदी के सहायिका आमी नदी के तीरे बसल कस्बा बाटे। समुंद्र तल से एकर औसत ऊँचाई 68 मीटर (223 फीट) बा।

धार्मिक महत्व

ई जगह कबीर साहेब जी से जुड़ल बा। मान्यता के अनुसार इहे उ जगह ह जहवाँ उ अपना जीवन के अंतिम समय में आ के रहलें आ एगो गुफा में ध्यान आ साधना कइलेन आ एहिजे से एह नश्वर संसार से सतलोक खातिर प्रस्थान कइले रहले। कथा बतावे लीं कि उनकर गइला के बाद उनकर चेला लोग के खाली सुगंधित फूल मिलल आ कबीर साहेब खातिर दुनों धरम के मान्यता के हिसाब से दू गो स्मारक बनवावल गइल। हिंदू धरम के समाधी राजा वीर सिंह बघेल, आ मुसलमानी मज़ार भा दरगाह के मुस्लिम सरदार बिजली खाँ बनववलें। ई दुनो स्मारक एक दूसरा से 100 मीटर के दूरी पर मौजूद बाड़ें। ई उत्तर प्रदेश के राज्य पुरातत्व विभाग द्वारा संरक्षित स्मारक हवें आ पूरा परिसर के कबीर समाधि स्थल के नाँव से जानल जाला। कबीरपंथ के अनुयाई लोगन खातिर ई पबित्र आ बहुत महत्व के जगह हवे, जबकि बाकी कौनहूँ धरम के लोग एहिजा एह समारक सभ के देखे आवे लें।