इस्लाम

इस्लाम
ٱلْإِسْلَام‎ al-Islām
सऊदी अरब के मक्का के मस्जिद अल-हरम में का'बा जेकरा के इस्लाम के सभसे पबित्र जगह मानल जाला।
बर्गीकरण	अब्राहमिक
धर्मग्रंथ	कुरआन
थियोलॉजी	एक ईश्वर वादी
इलाका	मिडिल ईस्ट, अफ्रीका, मध्य एशिया, दक्खिन एशिया, दक्खिन पुरुब एशिया, कॉकेशस, दक्खिन पुरुब यूरोप
भाषा	कुरआनी अरबी
प्रभावक्षेत्र	मुस्लिम दुनियाँ
संस्थापक	मोहम्मद
उत्पत्ती	610 CE

एगो सीरीज के हिस्सा जेकर बिसय बा
इस्लाम
बिस्वास ईश्वर के एक होखल पैगंबर इस्लामिक पबित्र किताब फ़रिश्ता क़यामत के दिन
आचार-बेहवार शहादा नमाज जकात रोजा हज
ग्रंथ आ आधार कुरान सुन्नाह (हदीस, सीराह) तफ़सीर अक़ीदा पैगंबर लोगन के कथा मसनवी (कबिता) फ़िक़्ह (न्यायशास्त्र) शरीया (क़ानून)
इतिहास मोहम्मद अह्ल अल-बैत सहाबा राशिदून खिलाफत इस्लाम के प्रसार
संस्कृति आ समाज एकेडेमिक्स कलेंडर ख़तना इस्लामी पंथ आ शाखा सुन्नी शिया परब-तिहुआर मदरसा महजिद रहस्यवाद फिलासफी
संबंधित बिसय अपोस्टैसी इस्लाम के समालोचना मोहम्मद कुरआन हदीस इस्लाम आ दूसर धर्म इस्लामवाद हिंसा आतंकवाद जुद्ध इस्लामोफोबिया जेहाद जेहादिज्म

इस्लाम (अरबी: ٱلْإِسْلَام‎) दुनिया के एक ठो प्रमुख धरम हवे आ एकरे माने वाला लोग के मुस्लिम भा मुसलमान कहल जाला। माने वाला लोग के संख्या के हिसाब से ई दुनिया के दूसरहा सभसे बड़ धरम हवे। इस्लाम एक ठो भगवान में बिस्वास करे ला आ अरबी में भगवान के अल्लाह कहल जाला, अल्लाह के निराकार मानल जाला।

इस्लाम शब्द के अर्थ होला जे (अल्लाह यानि भगवान में पूरा) "समर्पण के भाव" (रखत होखे)। ई धरम आदम, नूह, मूसा, इब्राहिम, मूसा आ ईसा नियर पैगंबर लोग सभ के इज्जत करे ला आ मुहम्मद के अंतिम पैगंबर माने ला। इस्लाम के माने वाला लोग एकरा के हमेशा से मौजूद माने ला बाकी समय के गिनती के मकसद से इस्लामी कैलेंडर के सुरुआत मुहम्मद साहब द्वारा हिजरत के तिथि से मानल जाला।

इस्लाम के मुख्य ग्रंथ कुरान (क़ुरआन) हवे आ इस्लाम में पाँच गो आधार बाड़ें: शहादा, बचन उठावल कि अल्लाह एक बाने आ मुहम्मद उनके पैगंबर हवें; सलात, रोज पाँच टाइम प्रार्थना कइल जेकरा के नमाज़ कहल जाला; ज़कात, दान कइल; सोम, बरत रखल यानि रोज़ा; आ हज, यानि मक्का के तीर्थयात्रा (कम से कम जिनगी में एक बेर)।