तस्मान झील

विकिपीडिया से
Jump to navigation Jump to search
तस्मान झील
Lake Tasman and Mount Cook 101 5770.jpg
माउंट कुक राष्ट्रीय पार्क में तस्मान झील
लोकेशन माउंट कुक राष्ट्रीय पार्क, साउथ आइलैंड
निर्देशांक 43°41′S 170°10′E / 43.683°S 170.167°E / -43.683; 170.167निर्देशांक: 43°41′S 170°10′E / 43.683°S 170.167°E / -43.683; 170.167
प्रकार प्रोग्लेशियल झील
थाला के देस न्यूजीलैंड
अधिकतम लंबाई 5.75 km
अधिकतम चौड़ाई 1.60 km
सतह क्षेत्र 6.91 km² (2013)
अधिकतम गहिराई >100 m
सतह ऊँचाई 732 m (2013)

तस्मान झील (अंगरेजी: Tasman Lake) एगो प्रोग्लेशियल झील बाटे जवन तस्मान ग्लेशियर के लौटानी के कारण न्यूजीलैंड के साउथ आइलैंड पर बनल बाटे।[1] वर्तमान में एह ग्लेशियर के लौटान के गति तेज भइल बाटे आ झील के भी अभी बिस्तार हो रहल बाटे।

सन् 70 के सुरुआत में एह इलाका में कई ठो छोट-छोट तालाब रहलें जवन ग्लेशियर के पघिलाव से बनल रहलें। 1990 ले ई सगरी आपस में मिल के तस्मान झील के रूप ले लिहलें।[2]

तस्मान झील में एगो सैर सपाटा के नाव

तस्मान झील, तस्मान ग्लेशियर के लौटान के तेज कइले बाटे। सुरुआत में ई क्लिफ के हिस्सा के नीचे की ओर से खदरा के अइसन भइल आ क्लिफ के हिस्सा खदर के नीचे झील में गिरत गइल। हालाँकि, 2006 से, 50-60 मी के ग्लेशियर के उभार क्लिफ से बाहर झाँकत बाटे, जवन पहिले डूबल रहे आ समय समय पर एकरा से आइसबर्ग टूट के झील में गिर के पँवरत रहे लें। ग्लेशियर के काफ़ी हिस्सा के पानी के संपर्क में रहले की कारन एकरे लौटानी के गति तेज हो चुकल बाटे। 2008 में झील के बिस्तार 7 किलोमीटर लंबाई, 2 किलोमीटर चौड़ाई आ 245 मीटर के गहिराई वाला रहे जवन 2000 के बाद से लगभग डबल हो गइल रहे।[3] संभावना ई बतावल जात बाटे की ई झील के बिस्तार बढ़ि के अगिला एक दू दशक में 16 किलोमीटर लंबाई वाला हो जाई।[4]

तस्मान झील आ ग्लेशियर आ एकरे आसपास के पहाड़ सभ के इलाका सब माउंट कुक नेशनल पार्क के हिस्सा हवे। नाव ले के एह झील में सैर सपाटा कइल बर्तमान समय में एगो प्रमुख मनोरंजन बन चुकल बाटे।[5]

न्यूजीलैंड आ ऑस्ट्रेलिया के ढेर सारा भूगोलीय जगह आ थलरूप की नियर इहो झील के नाँव एगो डच खोजकर्ता अबेल जांसजून तस्मान के नाँव पर रखल गइल बाटे।

तस्मान झील, एकरे बहाव निकास (दाहिने) के ओर से देखला पर।

इहो देखल जाय[संपादन]

संदर्भ[संपादन]

  1. "Place Name Detail: तस्मान झील"; New Zealand Geographic Placenames Database; Land Information New Zealand; पहुँचतिथी 18 अप्रैल 2008. 
  2. Hochstein, M.P.; Claridge, D.; Henrys, S.A.; Pyne, A.; Nobes, D.C. and Leary, S.F. (1995). Downwasting of the Tasman Glacier, South Island, New Zealand: changes in the terminus region between 1971 and 1993, New Zealand Journal of Geology and Geophysics 38 (1), 1-16.
  3. Dykes, Robert C.; Brook, Martin S.; Winkler, Stefan (2010); "The contemporary retreat of Tasman Glacier, Southern Alps, New Zealand, and the evolution of Tasman proglacial Lake since AD 2000"; Erdkunde 64 (2): 147–148; doi:10.3112/erdkunde.2010.02.03; पहुँचतिथी 29 दिसंबर 2015. 
  4. "Tasman Glacier retreat extreme" (अंग्रेज़ी मे); Massey University; 2008-04-23; पहुँचतिथी 29 दिसंबर 2015. 
  5. Temple, Philip (2009-12-11); "Deniers don't have a rapidly melting glacier to stand on"; The New Zealand Herald; पहुँचतिथी 29 दिसंबर 2015. 

बाहरी कड़ी[संपादन]