डिंपल यादव
| डिंपल यादव | |
|---|---|
| लोकसभा सांसद | |
पद पर मौजूद | |
| पदभार लिहल गइल 8 दिसंबर 2022 | |
| इनसे पहिले | मुलायम सिंह यादव |
| सीट | मैनपुरी |
| कार्यकाल 8 अगस्त 2012 – 23 मई 2019 | |
| इनसे पहिले | अखिलेश यादव |
| इनके बाद | सुब्रत पाठक |
| सीट | कन्नौज |
| निजी जानकारी | |
| जनम | डिंपल रावत 15 जनवरी 1978 पुणे, महाराष्ट्र, भारत |
| राजनीतिक पार्टी | समाजवादी पार्टी |
| जीवनसाथी | अखिलेश यादव (बि. 1999) |
| संतान | 3 |
| निवास | सैफई गाँव, इटावा, उत्तर प्रदेश |
| महतारी संस्था | लखनऊ विश्वविद्यालय |
| प्रोफेशन | राजनीतिक नेता |
डिंपल यादव (जनम 15 जनवरी 1978) एगो भारतीय राजनीतिक नेता बाड़ी, उ समाजवादी पार्टी के राष्ट्रीय अध्यक्ष, उत्तर प्रदेश विधानसभा में नेता प्रतिपक्ष आ उत्तर प्रदेश के पूर्व मुख्यमंत्री अखिलेश यादव के धर्मपत्नी बाड़ी, जे कन्नौज से लगातार दू बेर सांसद रह चुकल बाड़ी।[1]ऊ वर्तमान में 2022 सेमैनपुरी से लोकसभासांसद बड़ीं।
डिंपल यादव के जनम 1978 में पुणे, महाराष्ट्र में भइल। उ रिटायर्ड भारतीय सेना कर्नल आर. एस. रावत आ चम्पा रावत के तीन गो बेटियन में से हई। उनकर परिवार उत्तराखंड के मूल निवासी ह। उनकर शिक्षा पुणे, बठिंडा आ अंडमान निकोबार द्वीप आ आर्मी पब्लिक स्कूल, नेहरू रोड, लखनऊ में भइल। डिंपल यादव के शादी 1999 में अखिलेश यादव से भइल।
डिंपल यादव 2009 में फिरोजबाद के लोकसभा क्षेत्र खातिर उपचुनाव लड़ली, लेकिन अभिनेता राज बब्बर के खिलाफ चुनाव में हार के सामना करे के परल।
उपचुनाव उनकर पति अखिलेश द्वारा इ क्षेत्र में आ कन्नौज में मई 2009 के आम चुनाव में दुनु सीट जीतला के कारण भइल रहे आ काहे कि उ कन्नौज़ से आपन सीट ले लेले रहलें। 2012 में उनका पति द्वारा उत्तर प्रदेश विधान परिषद में शामिल होखे खातिर सीट खाली करे के कारण एगो अउरी उपचुनाव के चलते उ कन्नौज निर्वाचन क्षेत्र से लोकसभा खातिर निर्विवाद रूप से चुनल गइली।
डिंपल देश के 44वां व्यक्ति बन गइली आ भारत के आजादी के बाद से उत्तर प्रदेश में खाली चौथा व्यक्ति जे निर्बिरोध सांसद चुनल गइल होखे। ई स्थिति तब पैदा भइल जब दू गो उम्मीदवार, दशरथ सिंह शंखवार (संयुक्त समाजवादी दल) आ संजू कटियार (आजाद) आपन नामांकन वापस ले लिहलें। भारतीय जनता पार्टी आ भारतीय राष्ट्रीय कांग्रेस उपचुनाव खातिर कवनो उम्मीदवार के नामांकन ना कइले रहल।
ई लोकसभा उपचुनाव में निर्विवाद रूप से चुनल गइल उत्तर प्रदेश के पहिला महिला आ 1952 में इलाहाबाद पश्चिम से पुरुषोत्तम दास टंडन के चुनाव के बाद दुसरकी महिला बन गइली। उ एकमात्र महिला सांसद बनली जेकर पति मुख्यमंत्री रहलें, आ उहो जेकर ससुर ओही सदन के सदस्य रहलें।
डिंपल यादव 2017 के उ.प्र. एगो के विधानसभा चुनाव में समाजवादी पार्टी खातिर कई गो चुनाव प्रचार कइल गइल रहे। उनकर भाषण के लोग बहुते सराहल।
डिंपल यादव देश में महिला मुद्दा पर अक्सर बोलत देखल जाला। उ समाजवादी पार्टी द्वारा चलावल महिला सुरक्षा के लेल 1090 हेल्पलाइन नंबर पर काम करे के घोषणा के सपोर्ट कइली। डिंपल यादव 2019 के लोकसभा चुनाव में समाजवादी पार्टी आ बहुजन समाज पार्टी के संयुक्त उम्मीदवार के रूप में कन्नौज से चुनाव लड़ली, लेकिन भाजपा के सुब्रत पाठक से 10,000 से अधिका वोट के अंतर से हार गइली।[2]
डिंपल के चुनाव हारल सपा खातिर निराशाजनक रहल काहे कि ई यादव बहुल सीट सपा के गढ़ रहल बा दशन से। कन्नौज लोकसभा में अखिलेश यादव के मुख्यमंत्री कार्यकाल के दौरान उच्च स्तर के विकास भइल रहे।
साल 2022 में मैनपुरी से सांसद मुलायम सिंह यादव के निधन का चलते ई लोकसभा सीट खाली हो गइल, जवना चलते ओहिजा उपचुनाव भइल समाजवादी पार्टी मुलायम सिंह के विरासत के बचावे आ आगे बढ़ावे खातिर डिंपल यादव के चुन लिहलसि। उ आपन उम्मीदवार बनवले आ उपचुनाव में 2,88,461 वोट से जीत के तीसरकी बेर लोकसभा में पहुचली।
2024 के जनरल इलेक्शन में ऊ फिर से मैनपुरी सीट से चुनाव लड़ली आ जीत के संसद में पहुँचल बाड़ी।
डिंपल यादव के राजनीतिक करियर[संपादन करीं]
| गिनती | कब से | कब ले | सांसदी क बिबरन | पार्टी |
|---|---|---|---|---|
| 1. | 2012 | 2014 | 15वीं लोकसभा में कन्नौज (उपचुनाव) से सांसद (पहला कार्यकाल) | समाजवादी पार्टी |
| 2. | 2014 | 2019 | 16वीं लोकसभा में कन्नौज से सांसद (दूसरा कार्यकाल) | समाजवादी पार्टी |
| 3. | 2022 | 2024 | 17वीं लोकसभा में सांसद (तीसरा कार्यकाल) (उपचुनाव) | समाजवादी पार्टी |
| 4. | 2024 | वर्तमान में | 18वीं लोकसभा में सांसद (चउथा कार्यकाल) | समाजवादी पार्टी |
संदर्भ[संपादन करीं]
- ↑ "डिंपल यादव की वो बातें, जो जनता को नहीं पता हैं". thelallantop. Archived from the original on 15 जून 2020. Retrieved 15 जून 2020.
- ↑ "डिंपल यादव को मिली शिकस्त, कन्नौज में भाजपा ने फिर लहराया परचम". हिंदुस्तान. Archived from the original on 15 जून 2020. Retrieved 15 जून 2020.
| ई लेख उत्तर प्रदेश की केहू नेता की बारे में एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |