गुलाबी सदाबहार

गुलाबी सदाबहार
बैज्ञानिक वर्गीकरण
किंगडम:	प्लेंटाई; (Plantae)
क्लैड (Clade):	एंजियोस्पर्म; (Angiosperms)
क्लैड (Clade):	यूडिकॉट्स; (Eudicots)
क्लैड (Clade):	एस्टराइड; (Asterids)
ऑर्डर (Order):	Gentianales
परिवार:	Apocynaceae
जाति (Genus):	Catharanthus
प्रजाति:	C. roseus
दूपद नाँव
	Catharanthus roseus; (L.) G.Don
अउरी दूसर नाँव
	Vinca rosea L. ; Pervinca rosea (L.) Gaterau ; Lochnera rosea (L.) Rchb. ex Spach ; Ammocallis rosea (L.) Small ;

गुलाबी सदाबहार (Catharanthus roseus, कैथेरेंथस रोज़स/रोस़स) एगो फूलवाला पौधा के प्रजाति हवे जे सदाबहार (कैथेरेंथस जाति) के आठ गो प्रजाति सभ में से एक हवे। सदाबहार सभ में बारहों महीना फूल फुलालें आ एह सदाबहार में फूल गुलाबी भा सफेद रंग के होलें। अंग्रेजी में एकरा के पिंक पेरिविंकल कहल जाला। मूल रूप से ई मैडागास्कर के पौधा हवे हालाँकि अब लगभग पूरा दुनिया में गरम आ कुछ गरम (शीतोष्ण) इलाका सभ में होला। भारत-पाकिस्तान में ई आम सजावटी पौधा हवे जेकरा लोग अपना घरे कियारी भा गमला में लगावेला।

एह पौधा के सोर, पतैई आ फूल सभ के जड़ी-बूटी नियर इस्तेमाल होला। आधुनिक मेडिकल साइंस में एकरे पौधा से निकासल एल्केलाइड सभ के कई बेमारी सभ के इलाज में इस्तेमाल होला।