कुसुमी जंगल

कुसुमी जंगल
उत्तर प्रदेश में कुसुमी जंगल के स्थिति
Geography
Location	भारत
Coordinates	26.749748°N 83.468645°E / 26.749748; 83.468645
Status	नेशनल फारेस्ट
Ecology
Dominant tree species	साल (शेखुआ)

कुसुमी जंगल (दूसर नाम: कुसमी, कुसुम्ही, कुष्मी) उत्तर प्रदेश में गोरखपुर के पास एक ठो जंगल बाटे। ई राष्ट्रीय बन हवे जहाँ साल के पेड़ बाने। ई घना जंगल हवे जेकर प्रबंधन सरकारी रूप से होखे ला। हाल में उत्तर प्रदेश सरकार एकरा के इको-टूरिज्म के स्थान बनावे के घोषणा कइले बाटे। ए जंगल में एगो पार्क बा जे के कुसुमी विनोद वन के नाम से जानल जाएला। एही जंगल में एगो बुढ़िया माई मंदिर बाटे। ई सब जगह गोरखपुर के लोगन खातिर पिकनिक स्पॉट के रूप में बाड़ें आ न्यू इयर पर बहुत सारा लोग इहँवा जाएला।

कुसुमी विनोद वन

कुसुमी जंगल में एगो पार्क बाटे। सरकारी वेबसाइट के अनुसार ई शहर के रेलवे स्टेशन से 9 किलोमीटर के दूर पर बा आ इहँवा एक गो चिड़ियाघर बाटे जहाँ कुछ जानवर रखल बाने। कुसुमी जंगल के सरकार इको-टूरिज्म पार्क बनावे के योजना बाना रहल बाटी।

ईहो देखल जाव

• रामगढ़ ताल