कन्वर्जेन्स जोन
मौसम बिज्ञान में कनवर्जेंस जोन वायुमंडल के अइसन क्षेत्र होखे ला जहाँ दू गो सदाबाहिनी हवा सभ आ के मिले लीं आ आमतौर पर अइसन इलाका में बिसेस किसिम के मौसमी दसा पैदा करे लीं।[1] एह घटना के रिजल्ट ई होला कि भारी मात्रा में हवा एकट्ठा होखे ले आ ऊपर उठे ले जेकरे चलते बादर के निर्माण आ बरखा के घटना होखे ला।[1] बड़हन पैमाना पर अइसन कनवर्जेंस के "सिनॉप्टिक-स्केल कनवर्जेंस" कहल जाला आ ई बैरोक्लाइनिक ट्रफ़, कम हवादाब के क्षेत्र आ चक्रवात नियर मौसम संबंधी सिस्टम के उत्पत्ती के साथे जुड़ल होखे लें।
बड़हन पैमाना पर अइसन कन्वर्जेन्स जोन भूमध्य रेखा के आसपास इंटरट्रॉपिकल कन्वर्जेन्स जोन के रूप में बने लें आ एह जोन के अउरी गम्हीर होखे के घटना बैस्विक रूप से तापमान में बढ़ती के रिजल्ट बाटे।[2] छोट पैमाना पर अइसन कन्वर्जेन्स सभ के कारण कपासी बादर बने लें आ अउरी गम्हीर होखे पर झंझावात सभ के उत्पत्ती होखे ला।
कनवर्जेंस के उल्टा दसा के डाइवर्जेंस होला जहाँ से हवा छितरा के एक दुसरे सेबिपरीत दिसा में बहे लीं आ अलगा होखे लीं।
इहो देखल जाय
[संपादन करीं]संदर्भ
[संपादन करीं]- ↑ 1.0 1.1 LEUNG Wai-hung (June 2010). "Meteorology Basics: Convergence and Divergence". Hong Kong Observatory. Archived from the original on October 26, 2019. Retrieved November 25, 2015.
- ↑ Byrne, Michael P.; Pendergrass, Angeline G.; Rapp, Anita D.; Wodzicki, Kyle R. (2018). "Response of the Intertropical Convergence Zone to Climate Change: Location, Width, and Strength". Current Climate Change Reports 4: 355-370. doi:10.1007/s40641-018-0110-5
 | ई जलवायु बिज्ञान/मौसम बिज्ञान–संबंधित लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |
 | ई लेख भूगोल शब्दावली की बारे में एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |