120 दिन के हवा
120-दिन के हवा (अंग्रेजी: Wind of 120 days) चाहे बाद-इ-सद-ओ-बिस्त-रोज़ (फारसी: باد صد و بیست روزه) चाहे सिस्तान हवा ईरान में बहे वाली लोकल हवा हवे। ई हवा खमसिन के नियर होले, गरम आ धूर-धक्कड़ भरल। ईरान के सिस्तान आ बलूचिस्तान प्रांत के ओर बहे के कारन एकर नाँव सिस्तान हवा हवे।
इ गरम हवा होखे लीं आ गर्मी के सीजन में बहे लीं। इनहन के सभसे तेज बहाव सिस्तान इलाका में होखे ला जहाँ ई उत्तर से दक्खिन बहे लीं आ पहाड़न के लंबवत बहत हैरियर-रड घाटी आ मोरग़ाब घाटी से हो के पठारी प्रदेश में प्रवेश करे लीं; ई हवा के लोकल सिस्टम मई से अगस्त महीना ले बहुत परभावी रहे ला।[1]
एकर नाँव फ़ारसी में बाद-इ-सद-ओ-बिस्त-रोज़ के शाब्दिक अरथ हवे 120 दिन बहे वाली हवा; अइसन इनहन के चार महीना बहे के कारण कहल जाला। हवा के टिपिकल स्पीड 30–40 किमी प्रति घंटा होला; हालाँकि, एकर इस्पीड 100–110 किलोमीटर प्रति घंटा ले हो सके ला।
शमाल के साथे साथ ई ईरान के दुसरी प्रमुख लोकल हवा हवे।
इहो देखल जाय[संपादन करीं]
संदर्भ[संपादन करीं]
- ↑ Ghorbani, Mansour (27 मार्च 2013). The Economic Geology of Iran: Mineral Deposits and Natural Resources (अंग्रेजी में). Springer Science & Business Media. p. 17. ISBN 978-94-007-5625-0. Retrieved 22 अप्रैल 2022.
 | ई जलवायु बिज्ञान/मौसम बिज्ञान–संबंधित लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |