स्पून्स सेक्स पोजीशन

स्पूंस पोजीशन के चित्र में निरूपण

स्पून्स सेक्स पोजीशन भा स्पूनिंग एक तरह के सेक्स पोजीशन जेह में सेक्स भा सेक्सुअल क्रिया करे वाला दुनो ब्यक्ति एक ओर मुँह क के लेटे लें आ आगे वाला ब्यक्ति (आमतौर प औरत) के पाछे से लिंग के परवेश करा के मरद ओकरा साथे संभोग करेला। एकरा के पोजीशन 99 भी कहल जाला। ई पाछे से लिंग घुसाव वाला सेक्स पोजीशन हवे, दूसर अइसन पाछे से लिंग घुसाव वाली पोजीशन डॉगी स्टाइल होला। कुछ सेक्सोलॉजिस्ट लोग एकरा के "मूलभूत चार" (बेसिक फोर) सेक्स पोजीशन में से एक ठो माने ला, जबकि सभसे ढेर बेहवार में आवे वाली पोजीशन मिशनरी पोजीशन हवे।

एकर नाँव स्पून यानी कि चम्मच के नाँव पर एह कारन धराइल मानल जाला काहें कि जेह तरीका से दू गो चम्मच के दुसरे के साथ फिट हो जालें (एकही ओर मुँह कइ के) ओही तरे मरद-मेहरारू के शरीर के अवस्था एह पोजीशन में होखे ले। एकर फ्रांसीसी नाँव पोजीशन 99 हवे जे पोजीशन 69 के तरज प धइल गइल हवे, यानी कि एह पोजीशन में शरीर के स्थिति 99 नियर एकही ओर मुँह कइले होखे ले, जबकि 69 के पोजीशन में एक पार्टनर के मुँह दुसरे पार्टनर के यौन अंग पर होला आ ई मुँह से मैथुन के क्रिया वाली पोजीशन हवे।

इहो देखल जाय

• मिशनरी पोजीशन
• डॉगी स्टाइल
• सेक्स पोजीशन