विश्व शांति स्तूप
विश्व शांति स्तूप के नाव से दुनियाँ के कई जगह पर बौद्ध स्तूप मौजूद बाड़ें जिनहन के निर्माण जापान के फूजी गुरू लोगन द्वारा परमाणु हमला के यादगार आ एकरे चलते शांति के सनेसा देवे खाती बनवावल गइल बा। एह कड़ी के स्तूप सभ में भारत के बिहार राज्य के राजगीर (राजगृह) में रत्नागिरी पहाड़ी पर बनवावल गइल स्तूप सभसे परसिध बाटे। अउरी अइसन स्तूप महाराष्ट्र के वर्धा में भी बा आ बिहार के वैशाली में, उत्तर प्रदेश में सारनाथ में आ दिल्ली के इंद्रप्रस्थ इलाका में भी अइसन पैगोडा शैली वाला स्तूप बनल बाड़ें।
राजगीर, बिहार
[संपादन करीं]ई स्तूप 1969 में बनवावल गइल।[1] सफेद गुंबद के आकार के एकर डिजाइन बा। चारों ओर गुंबद में बुद्ध के सोनहरी मूर्ती बाड़ीं। इहाँ से गृद्धकूट नामक अस्थान थोड़िके दूरी पर बाटे जे बुद्ध के प्रिय अस्थान रहल।[2]
संदर्भ
[संपादन करीं]- ↑ विश्व शांति स्तूप, राजगीर; बिहार पर्यटन के वेबसाइट पर।
- ↑ "विश्व शांति स्तूप विश्व को दे रहा मैत्री व शांति का संदेश". प्रभात खबर. 23 नवंबर 2017. Retrieved 8 मार्च 2019.
 | ई लेख कौनो भवन भा बिल्डिंग के बारे में एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |