लौंडा नाच

विकिपीडिया से
Jump to navigation Jump to search
लौंडा नाच
Genre लोक नाच
Origin बिहार, पूर्वांचल

लौंडा नाच भारतीय राज्य बिहार आ एकरे आसपास के इलाका, जइसे कि पूर्वांचल,[1] के एगो क्षेत्रीय नाच (डांस के बिधा) हवे जेह में मरदाना कलाकार औरत के नियर कपड़ा-गहना पहिर के नाचे लें आ औरतन के भाव-भंगिमा के पर्दर्शन करे लें। एक समय में ई नाच एह इलाका में बहुत पापुलर रह चुकल बा आ अइसन ग्रुप सभ के लौंडा नाच मंडली भा लौंडा नाच पार्टी कहल जाय। बाद के समय में सिनेमा आ आर्केस्ट्रा के आ जाए से एह नाच के स्थिति खराब होखत चल गइल।

परसिद्ध भोजपुरी नाटककार, एक्टर आ सूत्रधार भिखारी ठाकुर के नाच मंडली भी एक तरह से लौंडा नाच मंडली रहल जेह में औरतन के रोल मरदाना कलाकार लोग करे।[2][3] हाल के समय में एह कला के ओर, कला के रूप में लोग के धियान गइल बा। एह बिसय के उठावत एगो फिलिम लौंडा बदनाम हुआ के निर्माण भी भइल बा।[4]

लौंडा नाच से कई किसिम के खराब बात भी जोड़ल जाला। लौंडा के रूप में काम करे वाला लइकन के शोषण के मुद्दा भी उठावल गइल बा। उदाहरण खाती मार्च 2006 में यूनाइटेड नेशन डेवलपमेंट फंड के एगो रपट सोझा आइल जेह में नाच पार्टी के मालिक लोग दुआरा एह लइकन के शोषण के बात कहल गइल रहे।[5] नाच के नैतिक परभाव के खराब बता के आ नचनिया सभ के लोग के नक्सलिन खाती जासूसी करे के आरोप में कुछ जगह अइसन नाच सभ पर रोक लगावे के बात भी दर्ज कइल गइल।[6]

इहो देखल जाय[संपादन]

संदर्भ[संपादन]

  1. Anna Morcom (7 February 2014). Courtesans, Bar Girls & Dancing Boys: The Illicit Worlds of Indian Dance. Hachette India. पप. 196–. ISBN 978-93-5009-793-9.
  2. Badri Narayan (3 November 2016). Culture and Emotional Economy of Migration. Taylor & Francis. पप. 103–. ISBN 978-1-315-44802-2.
  3. "लौंडा नाच | DNA" (Hindi में). Dnaindia.com. पहुँचतिथी 2018-04-01.
  4. "Dance like a woman". The Hindu. 2013-05-09. पहुँचतिथी 2018-04-01.
  5. House, Committee on Foreign Affairs, and Senate, Committee on Foreign Relations (सितंबर 2008). Country Reports on Human Rights Practices for 2007. Government Printing Office. पप. 2213–. ISBN 978-0-16-081399-3.CS1 maint: Multiple names: authors list (link)
  6. Ashwani Kumar (2008). Community Warriors: State, Peasants and Caste Armies in Bihar. Anthem Press. पप. 139–. ISBN 978-1-84331-709-8.

बाहरी कड़ी[संपादन]