मनी प्लांट
| मनी प्लांट | |
|---|---|
| |
| ‘गोल्डन क्वीन’ नाँव क किसिम | |
बैज्ञानिक वर्गीकरण 
| |
| किंगडम: | प्लेंटाई (Plantae) |
| क्लैड (Clade): | एंजियोस्पर्म (Angiosperms) |
| क्लैड (Clade): | Monocots |
| ऑर्डर (Order): | Alismatales |
| परिवार: | Araceae |
| जाति (Genus): | Epipremnum |
| प्रजाति: | E. aureum |
| दूपद नाँव | |
| Epipremnum aureum (लिंडन & आंद्रे) जी.एस. बुन्टिंग, 1964 | |
| अउरी दूसर नाँव[1] | |
मनी प्लांट (Money plant; बैज्ञा. नाँव: Epipremnum aureum) फूलदार पौधा सभ के अरुम परिवार अरासियाए के एगो प्रजाति हवे। ई लता होले जेह में एक के बाद एक पतई निकलें लीं आ ई दिल के आकृति के होखे लीं। लता के रूप में ई दुसरे फेड़ सभ चाहे देवाल, तार नियर चीजन पर चढ़ जाले, एह में हवा में सोर निकले लीं जे कौनों सतह पर सपट जालीं आ एकरे चढ़े में मदद करे लीं आ अगर मिले तब एह लता के पोषण करे लीं।
ई पौधा मूल रूप से प्रशांत महासागर के बीचा में मौजूद फ्रेंच पाॅलिनेशिया के सोसायटी दीप के हवे। ई समशीतोष्ण इलाका सब में पॉपुलर सजावटी पौधा हवे आ वर्तमान में ई उष्णकटिबंधियो इलाका सभ में सजावटी पौधा के रूप में बहुत लगावल जाला। कई इलाका सभ में ई पौधा पहुँच के उहाँ के प्राकृतिक इकोसिस्टम के नोकसानो पहुँचवले बाटे।
हालाँकि, ई प्रजाति के हिसाब से फूलदार पौधा हवे, अपने आप अब शायदे कभी फुलाला जबले की एह में फूल लियावे खाती अलगा से हार्मोन न दिहल जाय। अपने-आप एह में फूल फुलाए के घटना अंतिम बेर 1964 में देखल गइल रहल।
एह पौधा के रॉयल हॉर्टिकल्चर सोसायटी के गोल्डन मेरिट अवार्ड मिल चुकल बाटे।
हमलावर प्रजाति के रूप में
[संपादन करीं]मनी प्लांट ओह देसन भा इलाकन में, जवन कि ओकरा खातिर नैसर्गिक रूप से घर नइखे, जाके बहुते तेजी से फैल सकेला आ खतरनाक रूप से हमलावर प्रजाति (इनवेसिव/एक्सोटिक) बन सकेला। श्रीलंका में, ई कांडी के उदावट्टा केले अभयारण्य के कई हेक्टेयर इलाका में पूरा तरीका से फइल गइल बा। कवनो प्राकृतिक दुसमन ना होखला के चलते, ई ना खाली जंगल के जमीन के पूरा तोप लेला बलुक पेड़न के तनो पर चढ़ जाला, जेकरा से पर्यावरण पर गंभीर नोकसान वाला असर पड़ेला। ई श्रीलंका के केगल्ला में कुरुलुकेले फॉरेस्ट रिजर्व आ दोसरा ठिकाना परो फइल गइल बा, जहाँ एकरा सजावटी पौधा के रूप में लगावल गइल रहे या सड़क किनारे के ढलान रोके खातिर इस्तेमाल कइल गइल रहे। ई 1999 में फ्लोरिडा एक्सोटिक पेस्ट कंट्रोल काउंसिल के आक्रामक प्रजातियन के सूची में शामिल कइल गइल रहे।
दक्षिण अफ्रीकी जर्नल ऑफ बॉटनी में प्रकाशित एक अध्ययन से पता चलल कि ई प्रजाति दक्षिण अफ्रीका के समुद्री तट के किनारे परो आक्रामक रूप से फइल सकेला। अध्ययन में कई तरीका बतावल गइल जेकरा से एकरा जंगली इलाका में फइलला से रोका जा सके, जइसे कि नियंत्रित इलाका के बाहर एकर खेती पर रोक लगावल जाय। हालाँकि, अध्ययन से ई परो पता चलल कि मनी प्लांट के बीया के भंडार नइखे आ ई बहुत कम मात्रा में खरपतवारन के दवाई (हर्बीसाइड) के सह सकेला, जेकरा चलते ई बड़हन पैमाना पर आपन संख्या ना बढ़ा सकेला। अगर ई कंट्रोल इलाका में रखाइल रह सके त एकरा जंगली रूप से फइलला जइसन खतरा ना बनेला।
संदर्भ
[संपादन करीं]- ↑ Epipremnum aureum (Linden & André) G.S.Bunting Archived 2020-11-28 at the Wayback Machine. In: The Plant List (2013). Version 1.1. Published on the Internet; http://www.theplantlist.org/ Archived 2019-05-23 at the Wayback Machine [2015-02-28].
बाहरी कड़ी
[संपादन करीं] |
विकिमीडिया कॉमंस पर संबंधित मीडिया Epipremnum aureum पर मौजूद बा। |
 |
विकिप्रजाति पर संबंधित जानकारी Epipremnum aureum पर मौजूद बाटे। |
- Pothos Production Guide - discusses care of this plant
- Xu, Zhongjun; Wang, Li; Hou, Haiping (May 2011). "Formaldehyde removal by potted plant–soil systems". Journal of Hazardous Materials. 192 (1): 314–8. doi:10.1016/j.jhazmat.2011.05.020. PMID 21641719.
 | ई पौधा पर बनल लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |