बेन कार्लिन
बेन कार्लिन Ben Carlin | |
|---|---|
 मॉन्ट्रियल, कनाडा, 1948 में कार्लिन | |
| Born | फ्रेडरिक बेंजामिन कार्लिन 27 जुलाई 1912 नॉर्थम, पच्छिमी ऑस्ट्रेलिया, ऑस्ट्रेलिया |
| Died | 7 मार्च 1981 (उमिर 68) पर्थ, पच्छिमी ऑस्ट्रेलिया, ऑस्ट्रेलिया |
| Education | गिल्डफोर्ड ग्रामर स्कूल वेस्टर्न ऑस्ट्रेलियन स्कूल ऑफ माइंस |
| Occupations | इंजीनियर, सिपाही |
| Spouses | Gertrude Plath (m. 1940–?) Elinore Arone (m. 1946-55) Cynthia Henderson (m. 1963–64) |
| Children | Deidre Scott Carlin (b. 1964) |
फ्रेडरिक बेंजामिन "बेन" कार्लिन (जनम 27 जुलाई 1912 – 7 मार्च 1981) एगो आस्ट्रेलियाई एडवेंचरर रहलें जे एगो एम्फीबियस गाड़ी (पानी आ जमीन दुनों पर चले वाली) पर सवार हो के पुरा दुनिया के चक्कर लगावे वाला पहिला आ अब ले के एकलौता व्यक्ति रहलें।
पच्छिमी ऑस्ट्रेलिया के नॉर्थम में पैदा भइल कार्लिन, पर्थ के गिलफोर्ड ग्रामर स्कूल में सुरुआती शिक्षा लिहलें आ बाद में कालगुर्ली स्कूल ऑफ माइंस में पढ़लें। एगो इंजीनियर बनले के बाद ऊ कुछ दिन खदान इंजीनियर के रूप में काम कइलें। सैनिक के रूप में कार्लिन, दुसरा बिस्व युद्ध के दौरान भारत, इटली आ मध्य पूर्ब में तैनात भइलें। 1946 में सेना से रिटायरमेंट ले के ऊ अमेरिका में बस गइलें।
अपने सैनिक जीवन के दौरान उनुके एगो आइडिया आइल रहे आ एही कारण ऊ हनीमून के रूप में अटलांटिक महासागर के पार करे के योजना बनवलें। एगो फोर्ड जी॰पी॰ए॰ (जवन फोर्ड जी॰पी॰डब्लू॰ के सुधार रहे) के हाफ़ सेफ़ (आधा सुरक्षित) नाँव रखलें आ एही में सवार हो के ऊ अटलांटिक पार करे के योजना बनवलन। कई बेर के प्रयास के बिफल होखे के बाद ऊ अंत में 1951 में अटलांटिक पार करे में सफल भइलें।
एह सफलता से खुस हो के बाद में ऊ पुरा दुनिया के चक्कर एही गाड़ी कम नाव से लगा दिहलें। 13 मई 1958 के ऊ वापस अमेरिका पहुँच के आपन ई यात्रा पूरा कइलें।[1]अइसन करे वाला ऊ पहिला आ आखिरी व्यक्ति रहलें। एह यात्रा में कार्लिन आ उनुके गाड़ी हाफ़ सेफ़ 17,780 किलोमीटर (11,050 मील) के यात्रा समुंद्र में आ 62,744 किलोमीटर (38,987 मील) यात्रा जमीन पर, दस साल में पूरा कइल आ 38 गो देसवन से गुजरल जवना के कुल खर्चा $35,000 आइल।[2][3]
मई 1957 में तोकियो, जापान पहुँचले पर।
संदर्भ
[संपादन करीं]- ↑ "Amphibian Traveller Home After 10 Years" – दि मॉन्ट्रियल गजेट. प्रकशित, 13 मई 1958.
- ↑ History: Ben Carlin and the Half Safe Story Archived 2012-12-13 at the Wayback Machine – Guildford Grammar. पहुँच तिथी 13 जनवरी 2016
- ↑ "NEARS END OF JOURNEY." – दि कैलगरी हेराल्ड. प्रकाशित 14 मई 1958
 | ई जीवनी लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |