फारस के खाड़ी

फारस के खाड़ी خلیج فارس (फ़ारसी)
Persian Gulf
अंतरिक्ष के देखले पर फारस के खाड़ी
लोकेशन	पच्छिम एशिया
प्रकार	Gulf
आगम	ओमान सागर
थाला के देस	ईरान, ईराक़, कुवैत, सउदी अरब, क़तर, बहरीन, यूनाईटेड अरब अमीरात आ ओमान (मुसंदम एन्क्लेव)
अधिकतम लंबाई	989 किमी (615 मील)
सतह क्षेत्र	251,000 किमी2 (2.70×1012 वर्ग फु)
औसत गहिराई	50 मी (160 फीट)
अधिकतम गहिराई	90 मी (300 फीट)

फारस के खाड़ी (अंग्रेजी: Persian Gulf) पच्छिमी एशिया में एगो समुंद्री हिस्सा बा जे लगभग चारों ओर से जमीन से घेराइल बाटे, पातर खा जलजोड़ — हरमुज के जलजोड़ एकरा के हिंद महासागर (ओमान के खाड़ी) से जोड़े ला। एक तरह से कहल जा त ई जमीनी इलाका के भीतर ले घुसल हिंद महासागर के बिस्तार हवे जेकरे एक ओर अरब प्रायदीप बा आ दुसरे ओर ईरान (फारस)। एह खाड़ी के उत्तर पच्छिमी माथ पर शत अल अरब नदी आ के एह में आपन डेल्टा बनावे ले।

खाड़ी ईरान-ईराक जुद्ध के क्षेत्र रह चुकल बा, खाड़ी जुद्ध के दौरान ई पूरा तरीका से दुनिया के खातिर धियान के बिसय बनल रहे आ ईराक के कुवैत पर हमला एही खाड़ी में भइल। मुख्य रूप से ई इलाका पेट्रोलियम उत्पादन के क्षेत्र हवे आ एही कारण ई खाड़ी दुनिया खाती महत्व के बिसय हवे।

खाड़ी में भरपूर मूंगा के चट्टान, मछरी पकडे के इलाका आ मोती निकाले वाला इलाका बाड़ें। हालाँकि, एह खाड़ी के आसपास तेल निकाले, उद्योगीकरण आ जुद्ध वगैरह से एकरे प्राकृतिक इकोसिस्टम के बहुत नोकसान चहुँपल बाटे।