पोलर वोर्टेक्स

विकिपीडिया से
Jump to navigation Jump to search
The Arctic polar vortex
Map of a compact blob over the Arctic
A strong polar vortex configuration in November 2013.
Map of a blobs spreading from the Arcitc
A more typical weak polar vortex on January 5, 2014.

पोलर वोर्टेक्स (अंगरेजी: Polar vortex, पोलर = ध्रुवीय आ वोर्टेक्स = हवा के घुमरीदार बहाव, चक्रवात) पृथ्वी के ऊपरी वायुमंडल में, दुनों ध्रुव पर मौजूद लो प्रेशर एरिया हवें। इनहन से जुड़ल दू किसिम के दसा हो सके लीं – जब ई मजबूत होखें, ध्रुव के ऊपर एकलौता घुमरीदार हवा के बहाव वाला इलाका के रूप में मौजूद रहे लें, एह दौरान ठंढा आर्कटिक (आ अंटार्कटिक) हवाराशि सभ ध्रुव के आसपास के इलाका में सीमित रहे लीं; दुसरे दसा में जब पोलर वोर्टेक्स कमजोर रहे लें, कई बेर की एक से बेसी हिस्सा में घुमरीदार हवा के क्षेत्र के रूप में अस्थापित हो जालें, एकरे चलते आर्कटिक इलाका के खूब ठंढा हवाराशि बाहरी इलाका के ओर फइल जाले आ अइसन इलाका में भी भारी सर्दी के कारण बने ले जहाँ आमतौर पर एह हवा के परभाव न होखत होखे।

पोलर वोर्टेक्स के एगो अउरी परभाव चिन्हित कइल गइल बा, खासतौर से अंटार्कटिका के इलाका में, पोलर वोर्टेक्स ओजोन के कटाव से जुड़ल बा। एह घुमरीदार हवा के बहाव में ध्रुवीय स्ट्रेटोस्फेरिक बादर के निर्माण होला आ एह बादर सभ में क्लोरोप्ल्यूरोकार्बन सभ आ नाइट्रोजन के आक्साइड सभ के साथे मिल के अइसन रासायनिक क्रिया होखे ले जेकरे चलते ओजोन के क्षय होला। एही कारन दक्खिनी ध्रुव के ऊपर ओजोन के भारी कमी हो जाला जेकरा के ओजोन होल चाहे ओजोन छेद कहल जाला। उत्तरी ध्रुव पर ई पोलर वोर्टेक्स ओतना मजबूत ना होला आ इहाँ आर्कटिक आ ध्रुवी हवा के साथे मध्य अक्षांस वाली हवा के मिक्सिंग तुलना में जादे होला, इहाँ ओजोन के कटाव ओतना परभावी ना होखे ला, उत्तरी ध्रुव पर एह घटना के "ओजोन डेंट" (डेंट माने खरकोंच लागल) कहल जाला।

जनवरी 2019 में, पोलर वोर्टेक्स के कमजोर दसा के चलते ई छितरा के कई वोर्टेक्स नियर बन गइल आ एकर बिस्तार भूमध्य रेखा के ओर बढ़ चलल, अमेरिका में भयानक जाड़ा पड़ रहल बा आ मौसम बिग्यानी लोग के अनुमान बा कि तापमान -70°C तक ले गिर सके ला।[1]

संदर्भ[संपादन]

  1. "अमरीका में -70 डिग्री तक की ठंड!". बीबीसी डॉट कॉम हिंदी. बीबीसी हिंदी. पहुँचतिथी 31 जनवरी 2019.

बाहरी कड़ी[संपादन]