नीलगाय

विकिपीडिया से
Jump to navigation Jump to search

नीलगाय चाहे निलगाइ या फिर घोड़रोज (बैज्ञानिक नाँव: Boselaphus tragocamelus) एगो बड़हन आकार के जंगली जानवर हवे जे एक किसिम के एशियाई मिरिग (एंटीलोप) हवे। ई भारतीय उपमहादीप के मूल निवासी हवे आ दूर पूरबी आ एकदम दक्खिनी भारत के छोड़ के लगभग पूरा भारत भर में पावल जाला। इनहना में नर आ मादा के रूपरंग आ साइज में अंतर होला। नर के वजन लगभग 109–288 किलोग्राम आ मादा के वजन 100–213 किलोग्राम होला आ नर के ऊँचाई अगिला कंधा किहाँ 1–1.5 मीटर (3.3–4.9 फीट) होला। ई शाकाहरी जानवर हवे आ घास खा के रहे ला, खेत में खड़ा फसल के भी कई बेर बहुत नोकसान चहुँपावेला।