नरेंद्र सिंह नेगी

नरेंद्र सिंह नेगी
सामान्य जानकारी
जनम	(1949-08-12) 12 अगस्त 1949 पौड़ी, उत्तर प्रदेश, भारत (अब उत्तराखंड, भारत)
पेशा	लोक गायक, संगीतकार
लेबल सभ	टी सीरीज हिमालयन फ़िल्म्स (कंपनी)

नरेंद्र सिंह नेगी (जनम 12 अगस्त 1949), जिनका के 'गढ़ रतन' आ 'पहाड़ियन के बॉब डिलनो' कहल जाला, गढ़वाल आ उत्तराखंड के एगो प्रमुख लोक गायक, संगीतकार आ कवि हवें जे मुख्य रूप से गढ़वाली भाषा में गावे लें। बतावल जाता कि ऊ 1000 से जादा गीत गवले बाड़ें। उत्तराखंड के लोक संगीत के क्षेत्र में उनकर बेजोड़ काम उत्तराखंड के आवे वाला सगरी गायकन खातिर एगो प्रेरणा के चीज बाटे।

पृष्ठभूमि

नेगी के जनम पौड़ी गढ़वाल जिला, उत्तराखंड के पौड़ी कस्बा में भइल जहाँ इनके स्कूली पढ़ाइयो भइल। उनकर पिता भारतीय सेना में नायब सूबेदार रहलें। ग्रेजुएशन खातिर उ अपना चचेरा भाई अजीत सिंह नेगी के साथे रामपुर चल गइलें जे उनका के तबला सिखवलें। बचपने से इनके विभिन्न सांस्कृतिक आयोजन सभ में पारंपरिक लोक गायकन के सुनला के सउख रह।। अपना महतारी आ कस्बा के अउरी मेहरारूवन के मेहनत से प्रेरित होके ऊ आपन पहिला गीत 1974 में लिखलें।

संगीत कैरियर

नेगी आपन पहिला स्व-रचित गीत 1974 में रिकार्ड कइलें। 1976 में नेगी आपन पहिला म्यूजिक एलबम "गढ़वाली गीतमाला" रिलीज कइलें। ई गीतमाला 10 अलग-अलग भाग में रहे। काहें से की ई गढ़वाली गीतमाला अलग अलग कंपनी के रहे एहसे उनुका एकरा के सम्हारे में दिक्कत होखत रहे। त आखिरकार ऊ अपना कैसेट के अलग अलग टाइटिल दे के रिलीज करे पर आ गइलन। उनकर पहिला एल्बम "बुरांस" नाँव के टाइटिल से आइल।

नेगी के समकालीन गीतन में 12 मात्रा के ताल के मुख्य सुरीला गीतखंड आ अनियमित चार मात्रा के ताल वाला लयबद्ध पैटर्न (जौनसारी क्षेत्र के बिसेसता) के सामिल करे के श्रेय दिहल जाला। नेगी प्रेम, दुख, ऐतिहासिक घटना, सामाजिक, राजनीतिक आ पर्यावरण के मुद्दा पर गीत लिखले बाड़ें। उत्तराखंड में लोकप्रिय गायकी के लगभग हर विधा में, जइसे कि "जागर", "मंगल", "बसंती", "खुदेड़", "छोपती", चौंफुला आ झुमेलो नियर गीत गवले बाड़ें। ऊ राज्य में प्रचलित गढ़वाली, कुमाऊनी, जौनसारी जइसन अलग-अलग स्थानीय भाषा में गीत गवले बाड़ें।

चक्रचाल, घरजवाई, आ मेरी गंगा होली त मैमा आली जइसन गढ़वाली सिनेमा में भी आपन आवाज देले बाड़ें। उदित नारायण, लता मंगेशकर, आशा भोंसले, पूर्णिमा, सुरेश वाडेकर, अनुराधा पौडवाल, जसपाल सहित कई ठे बॉलीवुड गायक भी उनके संगीत निर्देशन में गढ़वाली फिलिमन में गीत गा चुकल बा लोग। गढ़वाली के शौकीन साथी माधुरी बर्थवाल के साथे भी गीत गवले बाड़ें।

पुरस्कार

संगीत नाटक अकादमी 2022

नरेंद्र सिंह नेगी के 9 अप्रैल 2022 के दिल्ली में संगीत नाटक अकादमी पुरस्कार से सम्मानित कइल गइल। मुख्यमंत्री पुष्कर सिंह धामी राज्य के लोक गायक नरेंद्र सिंह नेगी के राष्ट्रीय स्तर प प्रतिष्ठित संगीत नाटक अकादमी पुरस्कार से सम्मानित होखे खाती बधाई दिहलें। ऊ कहलें कि पारंपरिक लोकगीतन के क्षेत्र में नरेंद्र सिंह नेगी के जवन सम्मान दिहल जाता ऊ राज्यो के सम्मान ह।

आवाज रत्न पुरस्कार

हिंदी दिवस (15 सितंबर 2021) के अवसर पर उत्तराखंड के लोक गायक नरेंद्र सिंह नेगी के आवाज रत्न पुरस्कार 2021 से सम्मानित कइल गइल।

एल्बम सभ के लिस्ट

एल्बम	रिलीज के तारीख
कब ऐली	2022
स्याली रामदेयी	2022
बैंड बिजोरा	2022
होरी का खिलाडी	2022
कामेरा मवाड़ा	2022
यखी बासा राय जौला	2021
कुई त बात होली	2020
चली भाई मोतार चली	2005
घास्यारी	2002
हल्दी हाथ	1995
होसिया उमर	2002
जय धारी देवी	1996
कई द खोज्यानी होली	2006
माया को मुंडारो	2009
नौचम्मी नरेना	2006
नायू नायु ब्यो चा	2003
रुमुक	2005
सलन्या स्याली	2009
समदोला का द्वि दिन	2000
स्यानी	2002
ठंडो रे थांदो	2004
तू होली बीरा	2007
तुमारी माया मा	2001
उठा जाग उत्तराखंड	2017
खुद	1995
अब कठगा खईलो	2012
वा जुनाली रात एगे फिर याद	2006
टपकारा	1999
बरखा	1992
बसंत एगे	2010
ताका चान त तकताका	2007
करगिले लदईमा	1999
चिबदात	1993
गीत गंगा	2002
सुरमा सरेला	2007
चुयाल	2006
जय भोले भंडारी	2017

सिनेमा सभ के लिस्ट

मूवी	रिलीज के तारीख
चक्रचाल	1996
घरजवाई	1986
मेरी गंगा होली त मैमा आली	2004
कौथिग	1987
बतवारू	2003
चम गुंगगुरु	2005
जय धारी देवी	2006
सुबेरो घाम	2014