ट्रिपल सी
ट्रिपल सी (CCC), पूरा नाँव कोर्स ऑन कंप्यूटर कॉन्सेप्ट्स (Course on Computer Concepts) एगो कंप्यूटर कोर्स हवे जे भारत में 'राष्ट्रीय इलेक्ट्रॉनिकी आ इन्फार्मेशन टेक्नालॉजी इंस्टिट्यूट' (NIELIT) द्वारा चलावल जाला। ई कोर्स 2 हप्ता के होला आ आम लोगन खाती इन्फॉर्मेशन टेक्नोलॉजी (IT) के जानकारी देवे खातिर डिजाइन कइल गइल हवे। एह तरीका के आम जानकारी के अलावा एकर उपयोग कंपटीशन एक्जाम सभ में भी बाटे आ कई अइसन नोकरी वाला परीक्षा बाड़ी स जिनहन में CCC परीक्षा पास होखल माँगल जाला।
कोर्स ऑफलाइन आ ऑनलाइन (बीडियो लेक्चर के माध्यम से) दुनों तरीका से उपलब्ध बाटे आ हर महीना एकर परीक्षा (इंतिहान) करावल जाला जेह में परीक्षार्थी के 90 मिनट में 100 गो सवालन के जबाब देवे के होला।
आउटकम
[संपादन करीं]कोर्स पूरा कइला के बाद कंप्यूटर के इस्तेमाल से अपना सर्विस/बिजनेस में चिट्ठी-पतरी तइयार करे, इंटरनेट (वेब) पर जानकारी देखे, ईमेल पावे आ भेजे, आपन बिजनेस प्रेजेंटेशन तइयार करे, छोट डाटाबेस तइयार करे नियर चीजन के बेसिक मकसद पूरा करे में सक्षम हो सके ला। ई छोट बिजनेस कम्युनिटी, गृहिणी नियन लोगन के कंप्यूटर के इस्तेमाल से आपन छोट खाता बनावे में मदद करेला आ इनफार्मेशन टेक्नोलॉजी के दुनिया के आनंद उठावे में सक्षम बनावे ला। एही से ई कोर्स थियरी की बजाय प्रेटीकल पर बेसी जोर दे के बनावल गइल हवे।
सरकार के रवैया
[संपादन करीं]कई राज्यन के सरकार एह कोर्स के परमोशन करें लीं। उदाहरण खाती उत्तर प्रदेश सरकार साल 2024-25 में एह ट्रिपल सी कोर्स आ 'ओ लेवल' कोर्स के फिरी में पढ़ावे के घोषणा कइलस।[1][2] उत्तर प्रदेश के सरकार कुछ नोकरी खाती एह कोर्स के अनिवार्य क चुकल बाटे, जइसे की ग्राम बिकास अधिकारी (वी.डी.ओ.) आ सहायक विकास अधिकारी।[3]
इहो देखल जाय
[संपादन करीं]संदर्भ
[संपादन करीं]- ↑ "ओ लेवल और ट्रिपल सी की कंप्यूटर ट्रेनिंग फ्री में देगी यूपी सरकार, इसी महीने शुरू होंगे आवेदन - UP government provide O level and triple C computer training for free to Backward Class Students". दैनिक जागरण (Hindi में). Retrieved 26 जुलाई 2026.
- ↑ Bharat, E. T. V. (5 अक्टूबर 2024). "ओ लेवल और ट्रिपल सी कम्प्यूटर ट्रेनिंग फ्री में देगी यूपी सरकार - computer training scheme". ईटीवी भारत न्यूज (Hindi में). Retrieved 26 जुलाई 2026.
- ↑ "वीडीओ के पदों पर भर्ती को ट्रिपल सी सर्टिफिकेट जरूरी". दैनिक हिन्दुस्तान (Hindi में). 20 जून 2025. Retrieved 26 जुलाई 2026.
बाहरी कड़ी
[संपादन करीं]- NIELIT के इस्टूडेंट पोर्टल, जहाँ कोर्स के जानकारी हासिल कइल जा सके ला आ रजिस्ट्रेशन करावल जा सके ला।
- NIELIT के पोर्टल पर CCC के पन्ना, पूरा कोर्स देखल जा सके ला बीडियो लेक्चर देखल जा सके लें।
 | ई लेख शिक्षा आ पढ़ाई से संबंधित एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |
 | ई कंप्यूटर बिज्ञान-संबंधी लेख एगो आधार बाटे। जानकारी जोड़ के एकरा के बढ़ावे में विकिपीडिया के मदद करीं। |