चनरगरहन

हाल के पूरा चनरगरहन

15 अप्रैल 2014	8 अक्टूबर 2014
4 अप्रैल 2015	28 सितंबर 2015

चनरगरहन (संस्कृत: चंद्रग्रहण) एक तरह के गरहन हवे जे चंद्रमा, पृथ्वी आ सुरुज के एक सिधाई में आवे पर आ पृथ्वी के छाहीं में चंद्रमा के आ जाए पर लागे ला। अइसन पुर्नवासी के दिन होला, हालाँकि हर पुर्नवासी के गरहन ना लागे ला। कवना पुर्नवासी के चंद्रगरहन लागी ई निर्भर करे ला कि चंद्रमा के नोड सभ के स्थिति का बा, इनहने के भारतीय ज्योतिष में राहु-केतु के रूप में चिन्हित कइल जाला।

जब चंद्रमा पूरा तरीका से पृथ्वी के मुख्य छाहीं - अंब्रा, के अंदर आ जाला तब पूरा चनरगरहन लागे ला, यानी कुछ देर खाती चंद्रमा पूरा तरीका से पृथ्वी के छाहीं से तोपा जाला। एहू दसा में चंद्रमा पूरा गायब भा करिया ना हो जाला बलुक पृथ्वी के वायुमंडल से छितरा के जाए वाली कुछ रोशनी चंद्रमा के सतह पर पड़े ले, एकरे कारण चंद्रमा लाल रंग के लउके ला। एही कारण यूरोपीय देसन में एकरा के रेड मून या ब्लड मून भी कहल जाला।

31 जनवरी 2018 के रात में पूरा चंद्रग्रहण लागे वाला बा, एह दिन सुपरमून, ब्लू मून आ रेड मून, तीनों घटना एकही रात में देखे के मिली।