कनाडा के प्रांत आ राज्यक्षेत्र

कनाडा के प्रांत आ राज्यक्षेत्र Provinces and territories of Canada Provinces et territoires du Canada
श्रेणी	फेडरेटेड स्टेट्स
संख्या	10 प्रोविंस 3 टेरिटरी

कनाडा के प्रांत आ राज्यक्षेत्र (अंग्रेजी: Provinces and territories of Canada, फ्रेंच: Provinces et territoires du Canada) एह देस के पहिला स्तर के प्रशासनिक उपबिभाग हवें। एह में 10 गो प्रांत बाड़ें जिनहन के प्रोविंस कहल जाला आ 3 गो राज्यक्षेत्र बाड़ें जिनहन के टेरिटरी कहल जाला। कनाडा देस एह तेरह गो प्रोविंस आ टेरिटरी सभ के कनफेडरेशन हवे।

कनाडा के प्रोविंस आ टेरिटरी में मूल अंतर ई हवे कि प्रोविंस सभ के शक्ति संबिधान अधिनियम, 1867 से मिले ले (जेकरा के ऑफिशियल रूप से ब्रिटिश नॉर्थ अमेरिका एक्ट, 1867 कहल जाला) जबकि टेरिटरी सभ बिधिक रचना हवें आ इनहन के पावर कनाडा के संसद द्वारा हस्तांतरित (डेलिगेट) कइल गइल हवे। एकर मतलब ई भइल कि कनाडा के संघीय सरकार आ प्रोविंस के सरकार सभ के पावर के बिभाजन में बदलाव करे खातिर संबिधान में संशोधन करे के पड़ी जबकि टेरिटरी सभ के पावर में बदलाव बस कनाडा के संसद खुद एकतरफा तरीका से क सके ला।

प्रोविंस सभ के प्रतिनिधि लेफ्टिनेंट गवर्नर होला जबकि टेरिटरी सभ के कमिश्नर होखे लें फेडरल सरकार के प्रतिनिधित्व करे लें।

बाहरी कड़ी

• Provincial and territorial government web sites – Service Canada
• Provincial and territorial legislature web sites – Parliament of Canada
• Canadian governments compared – University of Public Administration