अराक्नोथेरा मैग्ना

अराक्नोथेरा मैग्ना
संरक्षण स्थिति
चिंता मुक्त प्रजाति  (आइ॰यू॰सी॰एन॰ ३.१)
बैज्ञानिक वर्गीकरण
किंगडम:	Animalia
फाइलम:	Chordata
क्लास:	Aves
ऑर्डर (Order):	Passeriformes
परिवार:	Nectariniidae
जाति (Genus):	Arachnothera
प्रजाति:	A. magna
दूपद नाँव
Arachnothera magna (Hodgson, 1837)

अराक्नोथेरा मैग्ना (Streaked Spiderhunter, बैज्ञानिक नाँव:Arachnothera magna) चिरइन के नेक्टरनिडाई (फूल के रस चूसे वाली चिरई) परिवार के एगो प्रजाति बाटे।

रंगरूप

ई एक ठो छोट साइज के चिरई होली सन, लगभग गौरइया के आकार के। एकर रंग जैतूनी पीयर होला आ ओह पर गाढ़ा रंग के धारी (streaks) होखे लीं। एकर ठोर लमहर, पातर आ हल्का सा गोलाई लिहले आर्च नियर होला। ठोर खास, फूलन के रस चूसे के हिसाब से होला। ठोर के रंग करिया आ टांग के रंग पीयर होला। पेट आ सीना के हिस्सा पीयर रंग के आ करिया धारी वाला होला।

इलाका बिस्तार

एह चिरई ए प्राकृतिक आवास उपउष्णकटिबंधीय आ उष्णकटिबंधीय इलाका के नम निचली जमीन वाला जंगली हिस्सा आ नम पहाड़ी जंगल वाला इलाका हवें। भूगोलीय बिस्तार के हिसाब से देखल जाय तब, ई चिरई दक्खिनी एशिया आ दक्खिन पूरब एशिया के हिस्सन में पावल जाले। भारत के पूरबी राज्यन में, भूटान, बांग्लादेश, बर्मा, कम्बोडिया, चीन, लाओस, मलेशिया, थाईलैंड आ वियतनाम में पावल जाले।

आदत बेहवार

एह प्रजाति के चिरईन के अकेल या जोड़ा में घूमत पावल जाला। एकरा अंडा देवे के समय मार्च से जुलाई के बीच होला। खतोना, मुख्य रूप से छोट पतई सभ के बनल होला आ अक्सर कौनों बड़हन पतई के पछिला हिस्सा में सटल होला।

भोजन

ई चिरई फूलन के रस चूसे ले।

फोटो गैलरी

• Streaked spiderhunter in Kaeng Krachan National Park, Thailand
• 
  In Kaeng Krachan National Park, Thailand
• 
  About to feed on a banana palm inflorescence

बाहरी कड़ी

• विकिमीडिया कॉमन्स पर Arachnothera magna से संबंधित मीडिया