अरल सागर

भोजपुरी विकिपीडिया से
इहाँ जाईं: नेविगेशन, खोजीं
अरल सागर
AralSea1989 2014.jpg
अरल सागर 1989 में (बाएँ) आया 2014 में (दहिने)
लोकेशन कजाकिस्तान - उज्बेकिस्तान,
मध्य एशिया
निर्देशांक 45°N 60°E / 45°N 60°E / 45; 60निर्देशांक: 45°N 60°E / 45°N 60°E / 45; 60
प्रकार एंडोरेइक, प्राकृतिक झील, जलाशय (उत्तर)
पानी के आगम उत्तर: सीर दरिया
दक्खिन: ख़ाली भूमिगत जल
(पुराना समय में आमू दरिया)
थाला क्षेत्रफल 1,549,000 km2 (598,100 sq mi)
थाला के अंदर देस कजाकिस्तान, ताजिकिस्तान, तुर्कमेनिस्तान, उज़्बेकिस्तान, अफगानिस्तान[1]
सतह क्षेत्रफल 17,160 km2 (6,626 sq mi)
(2004, चार झील)
28,687 km2 (11,076 sq mi)
(1998, दू गो झील)
68,000 km2 (26,300 sq mi)
(1960, एक झील)
उत्तर:
3,300 km2 (1,270 sq mi) (2008)
दक्खिन:
3,500 km2 (1,350 sq mi) (2005)
औसत गहिराई उत्तर: 8.7 m (29 ft) (2014)[प्रमाण देईं]
दक्खिन: 14–15 m (46–49 ft)(2005)
अधि॰ गहिराई उत्तर:
42 m (138 ft) (2008)[2]
30 m (98 ft) (2003)
दक्खिन:
37–40 m (121–131 ft) (2005)
102 m (335 ft) (1989)
पानी के मात्रा उत्तर: 27 km3 (6 cu mi) (2007)[प्रमाण देईं]
सतह के ऊँचाई उत्तर: 42 m (138 ft) (2007)
दक्खिन: 29 m (95 ft) (2007)
53.4 m (175 ft) (1960)[3]
बस्ती अरल, कजाकिस्तान

अरल सागर (अंग्रेजी: Aral sea, कजाक: Арал Теңізі Aral Teñizi; मंगोलियन: Арал тэнгис; रूसी: Ара́льское море; ताजिक: Баҳри Арал, फारसी: دریاچه خوارزم‎) मध्यएशिया में कजाकिस्तानउज्बेकिस्तान देसवन में बिस्तार वाला एगो एंडोरेइक बेसिन आ सूखत जा रहल झील बाटे। अरल सागर के नाँव के अर्थ होला "टापू वाला समुंद्र" जवन एह झील में देखाई पड़े वाला ढेर सारा टापू सभ के कारण रखाइल रहे। अरल सागर के थाला उज्बेजिस्तान , ताजिकिस्तान, तुर्कमेनिस्तान, किर्गीजिस्तान, कजाकिस्तान आ अफ़गानिस्तान के हिस्सा सभ में बिस्तार वाला बाटे।[1]

पुरान समय में दुनिया के चउथा सभसे बड़की झील रहि चुकल ई सागर के सतह के क्षेत्रफल 68,000 बर्ग किमी रहल बाकी ई 1960 के दशक से लगातार सिकुडत जात बाटे। ई सिकुड़ाव के कारण सोवियत रूस के सिंचाई परियोजना के कारण शुरू भइल जेवना में एह सागर में गिरे वाली नद्दी सब के पानी मोड़ दिहल गइल। साल 2007 ले आवत-आवत ई अपने पुरान क्षेत्रफल के 10%भर बचल आ चार हिस्सा में बँट गइल - उत्तर अरल सागर, दक्खिन अरल सागर के दू हिस्सा पच्छिमी आ पूरबी, आ बीच में एगो छोट झील के रूप में।[4] 2009 में पहुँच के दक्खिन अरल सागर के पूरबी हिस्सा सूख गइल आ पच्छिमी हिस्सा एगो पातर पट्टी के रूप में बचल।[5] नासा के 2014 में लिहल तस्वीर से ई पता चलल की नया समय के इतिहास में पहिली बेर ई सागर पूरा सूख गइल।[6] एकर पूरबी बेसिन के अब अरलकुम रेगिस्तान कहल जाला।

कजाकिस्तान सरकार 2005 में उत्तर अरल सागर के बचावे खातिर एगो डैम प्रोजेक्ट चलवलस जेकरा कारण 2003 की लेवल की तुलना में 2008 में 12 मीटर के बढ़ती नापल गइल[7], खारापन में कमी आइल आ मछरी फिर से पावल जाए लगली आ मछरी पकड़े के धंधा भी दुबारा शुरू भइल।[8] 2008 के आँकड़ा के अनुसार उत्तर अरल सागर में सभसे गहिरा जगह पर गहिराई 42 मीटर (138 फीट) रहल।[2]

अरल सागर के सिकुड़ाव के दुनिया के "सभसे खराब पर्यावरणीय संकट" के दर्जा दिहल गइल।[9][10] एह सागर में मछरी पकड़े के धंधा के लगभग बंद हो गइले के कारण ब्यापक बेरोजगारी फइलल। एकरे अलावा एह सागर के बचल हिस्सा में प्रदूषण के कारण भी कई तरह के समस्या पैदा भइल बाटे।

संदर्भ[संपादन]

  1. 1.0 1.1 "DRAINAGE BASIN OF THE ARAL SEA AND OTHER TRANSBOUNDARY SURFACE WATERS IN CENTRAL ASIA"; United Nations Economic Commission for Europe (UNECE); 2005; पहुँचतिथी 23 मई 2016. 
  2. 2.0 2.1 "The Kazakh Miracle: Recovery of the North Aral Sea"; Environment News Service; 2008-08-01; ओरिजिनल से पुरालेखित अप्रैल 12, 2010 के; पहुँचतिथी 23 मई 2016. 
  3. JAXA - South Aral Sea shrinking but North Aral Sea expanding
  4. Philip Micklin; Nikolay V. Aladin (March 2008); "Reclaiming the Aral Sea"; Scientific American; पहुँचतिथी 23 मई 2016. 
  5. "Satellite image, August 16, 2009 (click on "2009" and later links)". 
  6. Liston, Enjoli (1 अक्टूबर 2014); "Satellite images show Aral Sea basin 'completely dried'"; The Guardian (London: Guardian News and Media Limited); पहुँचतिथी 23 मई 2016. 
  7. http://www.stephenmbland.com/#!kazakhstan-measuring-the-northern-aral/cewp
  8. "Aral Sea Reborn"; Al Jazeera; July 21, 2012; पहुँचतिथी January 6, 2013. 
  9. Daily Telegraph (2010-04-05); "Aral Sea 'one of the planet's worst environmental disasters'"; The Daily Telegraph (London); ओरिजिनल से पुरालेखित 8 अप्रैल 2010 के; पहुँचतिथी 23 मई 2016. 
  10. "Information about Aral Sea"; पहुँचतिथी 23 मई 2016.